الماتى قالاسىنىڭ كوميۋنيتي-ورتالىقتارىندا «Zhas Project» جاستار جوباسى بويىنشا وتىنىمدەر قابىلدانادى
الماتىدا Zhas project جاستارعا ارنالعان شاعىن گرانتتار بايقاۋى باستالادى. گرانت سوماسى 1 ملن تەڭگەنى قۇرايدى، مەگاپوليسكە 20 گرانت ءبولىندى. وتىنىمدەردى قابىلداۋ 25 ناۋرىزدا باستالىپ، ءبىر ايعا سوزىلادى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا كونكۋرستى ۇيىمداستىرۋشىلار مەن جاستار ساياساتى باسقارماسىنىڭ وكىلى حابارلادى.
ۇيىمداستىرۋشىلار جوبانىڭ ق ر مادەنيەت جانە اقپارات مينيسترلىگىنىڭ قولداۋىمەن ازاماتتىق باستامالاردى قولداۋ ورتالىعىمەن بىرلەسىپ جۇزەگە اسىرىلىپ جاتقانىن ەسكە سالدى.
«بۇگىن ءبىز ءوز قالامىزدا Zhas project جوباسىنىڭ ىسكە قوسىلاتىنىن رەسمي تۇردە جاريالايمىز. بۇل ءجوبا-بىزدىڭ جاستارىمىز ءۇشىن ءوزىن كورسەتىپ قانا قويماي، تابىستى بولاشاققا، كاسىپتى يگەرۋگە، مۇمكىن ءوز بيزنەسىن اشۋعا جاعداي جاساۋعا تاماشا مۇمكىندىك. جوبا جەكە جانە كاسىبي ماقساتتارعا قول جەتكىزۋگە كومەكتەسىپ قانا قويماي، ۇرپاقتار اراسىنداعى ديالوگتى قالىپتاستىرادى جانە جاستارعا قوعامعا تابىستى كىرىگۋگە مۇمكىندىك بەرەدى»، - دەدى جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك.
جوبانىڭ ماقساتى-جاستاردى قولداۋ جانە دامىتۋ، ولاردىڭ كاسىبي جانە كوشباسشىلىق داعدىلارىن ارتتىرۋ ءۇشىن مۇمكىندىكتەر جاساۋ، سونداي-اق جەرگىلىكتى قوعامداستىقتىڭ الەۋمەتتىك ماسەلەلەرىن شەشۋگە باعىتتالعان ءوز جوباسىن ىسكە اسىرۋ مۇمكىندىگى.
بيىلعى جىلى الماتى قالاسى مەن ماڭعىستاۋ وبلىسىندا Zhas project جوباسىن ىسكە اسىراتىن «ءتۇپقاراعان جاستارى» جاستار قوعامدىق بىرلەستىگىنىڭ وكىلى اسيما سۇلتانوۆا جوبانى ىسكە اسىرۋ ءۇشىن وسى وڭىرلەردە جەكە جوبالىق كەڭسە قۇرىلعانىن، ونىڭ قىزمەتىن كونكۋرستىق نەگىزدە ىرىكتەلگەن ۇيىم جۇزەگە اسىراتىنىن اتاپ ءوتتى.
«ءبىز ءۇشىن NEET ساناتىنداعى جاستاردى تارتۋ ماڭىزدى، بۇل مۇمكىندىكتەر ءارقاشان قول جەتىمدى بولا بەرمەيدى»، - دەدى جوبا ۇيلەستىرۋشىسى اسيما سۇلتانوۆا.
Zhas Project اياسىندا جاستار وزدەرىنىڭ الەۋمەتتىك باستامالارىن ىسكە اسىرۋعا جانە تالىمگەرلەردى قولداۋعا 1 ميلليون تەڭگەگە دەيىن قاراجات الا الادى. 2024 جىلى جاستار جوبالارىن ىسكە اسىرۋ 4 ايعا سوزىلادى.
الماتىدا 20 گرانت بەرۋ جوسپارلانۋدا. كونكۋرسقا قاتىسۋعا وتىنىمدەردى قابىلداۋ 25 ناۋرىزدان 24 ساۋىرگە دەيىن باستالادى.
گرانتتىق كونكۋرسقا قاتىسۋعا الماتىدا ۋاقىتشا نەمەسە تۇراقتى تىركەۋى بار، ۋاقىتشا جۇمىس ىستەمەيتىن، وقىمايتىن نەمەسە كاسىپتىك دايارلاۋدان، قايتا دايارلاۋدان وتپەيتىن 18 جاستان 35 جاسقا دەيىنگى جاستار شاقىرىلادى.
«ءوتىنىش بەرۋ ءۇشىن ءبىرىنشى قادام - ءوزىڭىزدىڭ الەۋمەتتىك جوباڭىزدىڭ يدەياسىن انىقتاۋ، www.zhasproject.com سايتىنا كىرىپ، ساۋالنامانى تولتىرىپ، بارلىق شارتتار مەن مارتەبەگە سايكەستىگىن راستايتىن قۇجاتتاردى تىركەپ، ءوز جوباڭىزدى نىسان بويىنشا سيپاتتاپ، بيۋدجەت جاساپ، شاعىن گرانتتار كونكۋرسىنا قاتىسۋعا ءوتىنىم بەرۋگە بولادى»، - دەپ ءتۇسىندىردى اسيما سۇلتانوۆا.
وتىنىمدەردى كونكۋرستىق ىرىكتەۋ 2 كەزەڭنەن تۇرادى:
- تەحنيكالىق (وتىنىمدەر مەن قۇجاتتامانىڭ ىرىكتەۋ ەرەجەلەرىنە سايكەستىگىن تەكسەرۋدى بىلدىرەدى)؛
- كونكۋرستىق كوميسسيانىڭ ىرىكتەۋى.
بارلىق جەڭىمپازدارمەن رەسمي شارت جاسالادى. جوبادان كەيىن بارلىق ساتىپ الىنعان جابدىقتار جاستاردا قالادى، وسىلايشا ولار ءوز جوبالارىن ودان ءارى جالعاستىرىپ، دامىتا الادى.
جاستار جوبالارىن ىسكە اسىرۋ كەزىندە قاتىسۋشىلارعا 2023 جىلى جۇمىس ىستەگەن مەنتورلار اراسىنان ىرىكتەلەتىن تالىمگەرلەرگە كونسۋلتاتيۆتىك كومەك كورسەتىلەدى.
«ءبىزدىڭ مىندەتىمىز – از دا بولسا، بۇل كورسەتكىشتەردى تومەندەتۋ، جاستاردى الەۋمەتتىك بەلسەندى جانە جاۋاپتى بولۋعا ۇيرەتۋ، ولارعا قورشاعان ورتاعا جانە وزدەرى ءۇشىن ماڭىزدى جانە پايدالى نارسە جاساۋعا مۇمكىندىك بەرۋ، وزدەرىنە سەنۋگە كومەكتەسۋ، سونداي-اق تابىستى بولاشاق ءۇشىن پلاتفورما قۇرۋعا كومەكتەسەتىن داعدىلاردى دامىتۋ»، - دەپ ءتۇسىندىردى ا.سۇلتانوۆا.
جۇمىستىڭ ماڭىزدى اسپەكتىسى اشىقتىق بولىپ تابىلادى – جوبانىڭ ىسكە اسىرىلۋ بارىسى تۋرالى بارلىق اقپارات www.zhasproject.com سايتىندا جاريالاناتىن بولادى، كونكۋرستارعا قاتىسۋعا وتىنىمدەر بەرۋ دە سايت ارقىلى جۇزەگە اسىرىلادى. سونىمەن قاتار، جوبا Facebook جانە Instagram الەۋمەتتىك جەلىلەرىندە رەسمي پاراقشالاردى جۇرگىزەدى.
بۇكىل جوبا بارىسىندا بايقاۋعا قاتىسۋشىلارعا مەنتورلىق كومەك كورسەتىلەدى. ول ءۇشىن نۇركەنت ىقشام اۋدانى، 69، 4-پاتەردە ورنالاسقان جوبالىق كەڭسەسىنە جۇگىنىپ، ورتالىق ماماندارىنان كونسۋلتاسيالار، جوبانى ىسكە اسىرۋ بويىنشا سۇراقتارعا جاۋاپ، سونداي-اق كونكۋرستىق ءوتىنىمدى قالىپتاستىرۋ بويىنشا كومەك الۋعا بولادى. بارلىق سۇراقتار بويىنشا +7 700 271 21 73 ءنومىرى ارقىلى بايلانىس ورتالىعىنا قوڭىراۋ شالۋعا بولادى.
كوميۋنيتي ورتالىقتاردىڭ مەكەنجايى:
1.الاتاۋ اۋدانى – سايالى ى/ا، 71، +7 707 168 1028؛
2.المالى اۋدانى – بايتۇرسىنوۆ كوشەسى، 22/1، +7 777 122 8901؛
3.اۋەزوۆ اۋدانى – مامىر-1 ى/ا، 26/1، +7 707 556 7861؛
4.بوستاندىق اۋدانى – اباي داڭعىلى، 164 «تەرراكوتا» تك، +7 775 583 8015؛
5.جەتىسۋ اۋدانى – بوتكين كوشەسى، 20، +7 708 334 4539؛
6.تۇركسىب اۋدانى – جاس قانات ى/ا، 1/49، +7 708 390 1363؛
7.مەدەۋ اۋدانى – نازاربايەۆ داڭعىلى، 36، +7 707 571 7104؛
8.ناۋرىزباي اۋدانى – شۇعىلا ى/ا، 343/7، +7 707 663 6949.
كوميۋنيتي ورتالىقتاردىڭ جۇمىس ۋاقىتى:
دۇيسەنبى – جەكسەنبى، دەمالىسسىز، ۋاقىتى: 10.00-دەن 19.00-گە دەيىن.