بۇگىنگى تاڭدا الماتىدا قالا ءماسليحاتىنىڭ 2023 جىلعى 15 قىركۇيەكتەگى № 50 شەشىمىمەن بەكىتىلگەن شەتەلدىكتەر ءۇشىن 0،5 اەك نەمەسە 1 846 تەڭگە مولشەرىندە تۋريستىك جارنا مولشەرلەمەسى قولدانىلادى.
قازاقستان رەسپۋبليكاسىنىڭ تۋريزم جانە سپورت مينيسترلىگى بەكىتەتىن شەتەلدىكتەر ءۇشىن تۋريستىك جارنانى تولەۋ قاعيدالارى تۋريستىك جارنا مولشەرلەمەلەرىن بەكىتۋ ءۇشىن نەگىز بولىپ تابىلادى.
2023 جىلعى 17 قاڭتاردان باستاپ (الماتى قالاسىندا تۋريستىك جارنا ەنگىزىلگەن كۇننەن باستاپ) 2024 جىلعى 1 اقپانعا دەيىن الماتى قالاسىنىڭ جەرگىلىكتى بيۋدجەتىنە 650،4 ملن. تەڭگە ءتۇستى.
اعىمداعى جىلدىڭ 9 قاڭتارىنان باستاپ ق ر تۋريزم جانە سپورت ءمينيسترىنىڭ م.ا. 2023 جىلعى 27 جەلتوقسانداعى № 347 بۇيرىعىمەن بەكىتىلگەن شەتەلدىكتەر ءۇشىن تۋريستىك جارنانى تولەۋ ەرەجەسىنە وزگەرىستەر زاڭدى كۇشىنە ەندى، وعان سايكەس تۋريستىك جارنانىڭ مولشەرى قازاقستاننىڭ بۇكىل اۋماعىندا ءنول تەڭگە رەتىندە بەكىتىلگەن.
وسىعان بايلانىستى، الماتى قالاسىنىڭ تۋريزم باسقارماسى "الماتى قالاسى ءماسليحاتىنىڭ 2023 جىلعى 15 قىركۇيەكتەگى № 50 "الماتى قالاسىنداعى شەتەلدىكتەر ءۇشىن تۋريستىك جارنا مولشەرلەمەلەرىن ءنول تەڭگە كولەمىندە بەكىتۋ تۋرالى" شەشىمىنە وزگەرىستەر ەنگىزۋ تۋرالى " الماتى قالاسى ءماسليحاتىنىڭ شەشىمىنىڭ جوباسىن ازىرلەدى.
نقا ەنگىزۋ رەگلامەنتىنە سايكەس الماتى قالاسى قوعامدىق كەڭەسىنىڭ، «اتامەكەن» ۇكپ جانە «عايرات ساپارعالييەۆ اتىنداعى مەملەكەت جانە قۇقىق عىلىمي-زەرتتەۋ ينستيتۋتى» ج ش س سىبايلاس جەمقورلىققا قارسى ساراپتاما بولىگىندە وڭ قورىتىندىلار الىندى.
بيىلعى جىلدىڭ 9-24 قاڭتار ارالىعىندا جوبا نقا اشىق پورتالىندا جاريا تالقىلاۋ راسىمىنەن ءوتتى، تۇسىنىكتەمە مەن ۇسىنىستار تۇسكەن جوق.
بۇگىنگى تاڭدا شەتەلدىك تۋريستەر اراسىندا ءبىزدىڭ قالا كەڭىنەن تانىمال. ماسەلەن، 2023 جىلدىڭ توعىز ايىندا الماتىعا 409 مىڭنان استام ادام كەلدى، بۇل 2022 جىلدىڭ ۇقساس كەزەڭىندەگى كورسەتكىشتەن 51،5% - عا ارتىق. وسىلايشا، مەگاپوليس شەتەلدىك تۋريستەردى قابىلدايتىن قازاقستان قالالارى اراسىندا كوشباسشى بولدى.
وسىعان بايلانىستى، الماتىدا تۋريستىك جارنانى جويۋ قالانىڭ تۋريستىك يندۋسترياسىن دامىتۋ ءۇشىن ماڭىزدى قادام بولىپ تابىلادى. الماتى حالىقارالىق تۋريستەر ءۇشىن تارتىمدى ءارى بۇل ونىڭ مارتەبەسىن ارتتىرادى. اعىمداعى جىلى شەتەلدىك تۋريستەر سانى 520 مىڭ ادامعا، ال 2030 جىلعا قاراي 1 ملن. ادامعا دەيىن وسەدى دەپ جوسپارلانۋدا.
بۇل جوبا قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيدى جانە نورماتيۆتىك قۇقىقتىق اكتىلەرگە قويىلاتىن تالاپتارعا جاۋاپ بەرەدى.
قۇرمەتتى دەپۋتاتتار، سىزدەردەن وسى شەشىم جوباسىن قاراۋدى جانە بەكىتۋدى سۇرايمىن.