بۇل تۋرالى بريفينگتە تۇركىستان وبلىسىنىڭ سەبد باسشىسىنىڭ ورىنباسارى باحتىوراز ەلەمەسوۆ ايتتى، دەپ حابارلايدى almaty-akshamy.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
«2024 جىلدىڭ قىركۇيەك ايىنان باستاپ ەلىمىزدەگى 11 جاسار قىزدارعا ادام پاپيللوماسى ۆيرۋسىنا قارسى ەكپە سالىنادى. جاتىر موينى وبىرى اۋرۋىنىڭ (جمو) دامۋىنا «ادام پاپيللوماسى» ۆيرۋسىنىڭ (اپۆ) ينفەكسياسى اسەر ەتەدى. ال ۆيرۋستى جۇقتىرۋدىڭ جانە ونىڭ دامۋىنىڭ الدىن الۋدىڭ جالعىز جولى – ەكپە سالدىرۋ. قازاقستاندا وسى دەرت بويىنشا جىل سايىن 1 600-دەن استام جاعداي تىركەلىپ، 500-دەن استام ايەل قايتىس بولادى. 2030 جىلعا قاراي 15 جاسقا دەيىنگى بارلىق قىزداردىڭ 90%-ى ەكپەمەن قامتىلماق. يممۋنداۋدى العاشقى مەديسينالىق-سانيتاريالىق كومەك كورسەتۋگە ليسەنزياسى بار زاڭدى تۇلعالار جۇرگىزەدى. ايتا كەتەرلىگى، قىز بالالاردى ۆاكسيناسيالاۋ - اتا-انالارىنىڭ كەلىسىمىمەن عانا جۇرگىزىلەدى»،- دەدى باحتىوراز ميزام ۇلى.
الەمدە «ادام پاپيللوماسى» ۆيرۋسىنا (اپۆ) قارسى ەكپە 15 جىلدان استام ۋاقىت بويى قولدانىلىپ كەلەدى. ەكپە الەمنىڭ 125 ەلىندە، سونىڭ ىشىندە وزبەكستان، قىرعىزستان، تاجىكستان، تۇرىكمەنستاندا جۇرگىزىلىپ كەلەدى. ودان بولەك، اۆستراليا مەن اقش-تا ەكپەنىڭ اسەرىنەن ايەلدەر اراسىندا «ادام پاپيللوماسى» ۆيرۋسىنىڭ تارالۋى 90%-عا تومەندەگەن.