وڭىرلىك كوممۋنيكاسيالار قىزمەتىنىڭ بريفينگىندە جۇمىسپەن قامتۋعا جاردەمدەسۋ شارالارى جانە جاستار ءۇشىن سۋبسيديالاناتىن جۇمىس ورىندارى تۋرالى الماتى قالاسىنىڭ مانساپ ورتالىعىنىڭ باسشىسى ادىلەت جاڭابايەۆ ايتىپ بەردى، دەپ حابارلايدى Almaty-akshamy.kz
سپيكەر ءوز سوزىندە حالىقتى جۇمىسپەن قامتۋ ورتالىقتارى شۇعىل ەڭبەك جانە مانساپ ورتالىقتارىنا اينالعانىن ەسكە سالدى.
"ءبىزدىڭ ەلىمىزدە جۇمىسپەن قامتۋدىڭ جاڭا ساياساتىن ىسكە اسىرۋ حالىقتىڭ جەكەلەگەن وسال توپتارىن جۇمىسپەن قامتۋعا جاردەمدەسۋدەن باستاپ بارلىق ەڭبەككە قابىلەتتى ازاماتتار ءۇشىن تەڭ باستاپقى جاعدايلار جاساۋعا كوشۋدى كوزدەيدى. شۇعىل ەڭبەك ورتالىقتارىنىڭ كۇن تارتىبىندە جاڭا مىندەتتەر تۇر، ولار: ەركىن ەڭبەك نارىعىن قالىپتاستىرۋ، ەڭبەككە قابىلەتتى حالىقتىڭ جاڭا كاسىبي داعدىلاردى دامىتۋىنا قولداۋ كورسەتۋ، جاڭا كوشى - قون ساياساتىن ىسكە اسىرۋ جانە مەملەكەتتىك قىزمەتتەردى سيفرلاندىرۋ ارقىلى ەڭبەك دەلدالدىعىن دامىتۋ"، - دەپ ءبولىستى ول.
جاستاردى سۋبسيديالاناتىن جۇمىس ورىندارىنا جۇمىسقا ورنالاستىرۋعا كەلەتىن بولساق، بۇل شارا 2021 – 2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە ىسكە اسىرىلۋدا.
جاستار پراكتيكاسى - تەحنيكالىق جانە كاسىپتىك، ورتا بىلىمنەن كەيىنگى، جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ جۇمىسسىز تۇلەكتەرى مەڭگەرگەن كاسىبى (ماماندىعى) بويىنشا باستاپقى جۇمىس تاجىريبەسىن جيناقتاۋ ماقساتىندا جۇزەگە اسىراتىن ەڭبەك قىزمەتىنىڭ ءتۇرى.
قويىلاتىن تالاپتار:
1) جاسى: 35 جاستان اسپاۋعا ءتيىس؛
2) تەحنيكالىق جانە كاسىپتىك، ورتا بىلىمنەن كەيىنگى، جوعارى جانە (نەمەسە) جوعارى وقۋ ورنىنان كەيىنگى باعدارلامالار بويىنشا وقۋ بىتىرگەننەن كەيىن 5 (بەس) جىل ىشىندە؛
3) مەڭگەرگەن كاسىپ (ماماندىق) بويىنشا جۇمىس تاجىريبەسىنىڭ بولماۋى؛
4) جۇمىسسىز رەتىندە تىركەلۋ.
سۋبسيديانىڭ ءبىر ايداعى مولشەرى جانە مەرزىمى:
• 30 ايلىق ەسەپتىك كورسەتكىش؛
• 12 ايدان اسپايدى.
“العاشقى جۇمىس ورنى” جوباسىنىڭ شەڭبەرىندەگى جۇمىس ورىندارى - العاش جۇمىس ىزدەپ جۇرگەن جۇمىسسىزدارعا جۇمىس ورنىن جانە قاجەتتى ەڭبەك داعدىلارىن بەرۋگە باعىتتالعان جوبا.
قويىلاتىن تالاپتار:
1) جاسى 35 جاستان اسپاۋعا ءتيىس؛
1) جۇمىس تاجىريبەسىنىڭ بولماۋى؛
2) جۇمىسسىز رەتىندە تىركەلۋ.
سۋبسيديانىڭ ءبىر ايداعى مولشەرى جانە مەرزىمى:
• 30 ايلىق ەسەپتىك كورسەتكىش؛
• 18 ايدان اسپايدى.
"ۇرپاقتار كەلىسىمشارتى" جوباسىنىڭ شەڭبەرىندەگى جۇمىس ورىندارى - وقۋ ورىندارىنىڭ جۇمىسسىز تۇلەكتەرىن وزدەرى العان كاسىبى (ماماندىعى) بويىنشا نەمەسە ۇلتتىق كاسىپتەر سىنىپتاۋىشىندا قىزمەتتىڭ وسى توبىنا جاتاتىن ۇقساس كاسىپ (ماماندىق) بويىنشا جۇمىسقا ورنالاستىرىپ، كەيىننەن باعىتتالعان الەۋمەتتىك كودەكستىڭ 207-بابىنىڭ 1-تارماعىندا بەلگىلەنگەن زەينەتكەرلىك جاسقا تولعان، جۇمىس ىستەپ جۇرگەن جۇمىسكەردى الماستىرۋعا جوبا.
قويىلاتىن تالاپتار:
1) جاسى: 35 جاستان اسپاۋعا ءتيىس؛
2) تەحنيكالىق جانە كاسىپتىك، ورتا بىلىمنەن كەيىنگى، جوعارى جانە (نەمەسە) جوعارى وقۋ ورنىنان كەيىنگى باعدارلامالار بويىنشا وقۋ بىتىرگەننەن 3 (ءۇش) جىل ىشىندە؛
4) جۇمىسسىز رەتىندە تىركەلۋ
سۋبسيديانىڭ ءبىر ايداعى مولشەرى جانە مەرزىمى:
• 30 ايلىق ەسەپتىك كورسەتكىش؛
• 6 ايدان اسپايدى.
بارلىق سۇراقتار بويىنشا دوستىق داڭعىلى، 85 مەكەنجايى بويىنشا ورنالاسقان الەۋمەتتىك قىزمەتتەر ۇيىنە حابارلاسۋعا بولادى. سونداي-اق، جۇمىسپەن قامتۋ ورتالىعى جانىنداعى 310-47-82 ءنومىرى بويىنشا call-ورتالىققا حابارلاسۋعا بولادى. ازاماتتارعا ىڭعايلى بولۋ ءۇشىن قابىلداۋ "ءبىر تەرەزە" جۇيەسى بويىنشا جۇزەگە اسىرىلادى. سونداي-اق، كومپيۋتەرلەرمەن جابدىقتالعان جانە ينتەرنەتكە قول جەتىمدى وزىنە-وزى قىزمەت كورسەتۋ ايماعى بار.