جاستار ساياساتى ارنايى ۇيىمداستىرىلعان سەمينار بارىسىندا تالقىلانادى.
جاستار رەسۋرستىق ورتالىقتارى قىزمەتىنىڭ تيىمدىلىگىن ارتتىرۋ ءۇشىن نە ىستەۋ كەرەك؟ بۇل سۇراققا جاۋاپ الۋ ءۇشىن جاستار الماتىدا ءوتىپ جاتقان سەمينارعا قاتىسىپ جاتىر، دەپ حابارلايدى Almaty-akhamy.kz.
سەميناردىڭ ءبىرىنشى كۇنى مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىنىڭ نەگىزگى باعىتتارىن، سونداي-اق ونى ىسكە اسىرۋ ماسەلەلەرىن تالقىلاۋعا ارنالدى.
«وڭىرلىك جاستار رەسۋرستىق ورتالىقتارىنىڭ قاتىسۋشىلارى مەن باسشىلارى مەملەكەت باسشىسىنىڭ جاستاردى قولداۋ جونىندەگى باستامالارىنا ەرەكشە نازار اۋداردى. جاستار ءبىلىم، عىلىم، سيفرلىق تەحنولوگيالار، كرەاتيۆتى يندۋستريا جانە رۋحاني-ادامگەرشىلىك تاربيە سياقتى ماڭىزدى الەۋمەتتىك سالالاردا، سونداي-اق جولداۋدى ىسكە اسىرۋدا جاس بەلسەندىلەردىڭ قاتىسۋ ماسەلەلەرى بويىنشا ءوز پىكىرلەرىمەن ءبولىستى»، – دەلىنگەن اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
الداعى ەكى كۇن ىشىندە مەملەكەت باسشىسى العا قويعان جاڭا مىندەتتەردى ەسكەرەتىندەي مەملەكەتتىك جاستار ساياساتىنىڭ نەگىزگى باعىتتارىن تالقىلاۋ جوسپارلانۋدا.
ءبىرىنشى كەزەكتە، جاستار ساياساتى سالاسىنداعى جەرگىلىكتى اتقارۋشى ورگاندار قىزمەتىنىڭ تيىمدىلىگىن ولشەۋدىڭ ماڭىزدى قۇرالىنا اينالاتىن جاستاردىڭ دامىتۋ يندەكسى قارالادى. سونداي-اق، «جاستار» عزو ساراپشىلارى ازىرلەيتىن NEET ساناتىنداعى جاستاردى انىقتاۋ مەن ەسەپتەۋدىڭ جاڭا ءادىسناماسىن زەردەلەۋ تالقىلانادى.
جرو جۇمىسىنىڭ ساپاسىن ارتتىرۋ ماسەلەلەرىنە ارنالعان سەمينار-ترەنينگ الماتى قالاسى جاستار ساياساتىن دامىتۋ مەملەكەتتىك قورىنىڭ الاڭىندا وتۋدە.
ۇيىمداستىرۋشىلاردىڭ ايتۋىنشا، بارلىق سەمينارلار سانيتارلىق-ەپيدەميولوگيالىق نورمالاردى قاتاڭ ساقتاي وتىرىپ، «Ashyq» جۇيەسىن پايدالانا وتىرىپ وتكىزىلۋدە.
