الماتىنىڭ «جاستار رۋحىندا» بارلىعى 4 مىڭنان استام بەلسەندى بار.
بۇگىن وڭىرلىك كوممۋنيكاسيالار قىزمەتىنىڭ الاڭىندا الماتى قالاسى «جاستار رۋحى» جاستار قاناتىنىڭ ءتوراعاسى اكەجان كەڭەسوۆتىڭ قاتىسۋىمەن باسپا ءسوز كونفەرەنسياسى ءوتتى، دەپ حابارلايدى Almaty-akshamy.kz
بۇگىندە مەگاپوليستىڭ ءاربىر اۋدانىندا جاستار ۇياشىقتارى بەلسەندى جۇمىس ىستەيدى، سونداي-اق ولار قالانىڭ 20 جوو-دا جانە 30 ورتا-ارنايى مەكەمەلەرىندە ورنالاسقان.
جاستار قاناتىنىڭ جۇمىسىنا توقتالعان اكەجان كەڭەسوۆ قاڭتار وقيعاسى كەزىندە پارتيا مۇشەلەرىنىڭ وزدەرىن كورسەتىپ، 800-گە جۋىق وتباسىنا ازىق-تۇلىك سەبەتىن جەتكىزۋگە ەرىكتىلەر كومەگىن كورسەتكەنىن، 2000 ستۋدەنت كۇن سايىن ىستىق تاماقپەن قامتىلعانىن، 290-نىڭ ۇيلەرىنە دارى-دارمەك جەتكىزىلگەنىن، قارتتارعا، تاعى 660 ازاماتقا قۇقىقتىق جانە پسيحولوگيالىق كومەك كورسەتىلگەندىگى تۋرالى ايتتى. سونداي-اق، 200 ەرىكتى قالانى قالپىنا كەلتىرۋگە اتسالىسىپ، سەنبىلىكتەر وتكىزدى.
«جاستار رۋحىنىڭ» بەلسەندىلەرى جەڭىس كۇنى قارساڭىندا «ارداگەرلەردى ارداقتايىق» اكسياسىن ۇيىمداستىرىپ، الماتىنىڭ 20 جالعىز باستى زەينەتكەرىن قامتىدى. سونىمەن قاتار، TazaLike جوباسى اياسىندا 15 سەنبىلىك وتكىزىلدى، 60-تان استام اعاش وتىرعىزىلدى، قۇستارعا ۇيالار ورناتىلدى.
بيىل العاش رەت «Qaisar» اسكەري-پاتريوتتىق جوباسى باستالدى. ونىڭ اياسىندا ەكى جۇزدەن استام جوعارى سىنىپ وقۋشىلارى دەنە شىنىقتىرۋ دايىندىعى بويىنشا قاشىقتىقتار مەن سىناقتاردان ءوتتى.
جاستار قاناتى الماتى قالاسى ءماسليحاتىنىڭ دەپۋتاتتارىمەن تۇراقتى تۇردە كەزدەسۋلەر وتكىزىپ تۇرادى، ال جاستاردى قولداۋ جونىندەگى وبلىستىق قوعامدىق كەڭەستىڭ الماتى قالاسىنداعى جاس دەپۋتاتتار كورپۋسىمەن بىرلەسىپ 5-تەن استام كوشپەلى وتىرىستارى وتكىزىلىپ، ستۋدەنتتەر جاتاقحانالارىنىڭ قۇرىلىس بارىسىن باقىلاۋعا الدى.
رەفەرەندۋم وتكىزۋ كەزىندە ەرىكتىلەر اقپاراتتىق قولداۋ كورسەتتى، سونداي-اق كوشباسشىلار جاستار مەن بالالار اراسىندا ينتەرنەتكە تاۋەلدىلىك پەن قۇمار ويىنداردىڭ الدىن الۋ شارالارىنا قاتىسادى.
تاريحتى، ادەبيەتتى زەرتتەۋگە باعىتتالعان زياتكەرلىك ويىندار تۇراقتى نەگىزدە وتكىزىلەدى. مىسالى، اباي قۇنانبايەۆتىڭ 177 جىلدىعىنا وسىنداي ۆيكتورينالاردىڭ ءبىرى وتكىزىلدى. كوبىنەسە ويىندار زاڭناما سۇراقتارىنا ارنالعان. مۇنداي ءىس-شارالاردىڭ جەڭىمپازدارى ءاردايىم ەستەلىك سىيلىقتارمەن باعالانادى، كىتاپتار مەن سەرتيفيكاتتار الادى.
اكەجان كەڭەسوۆ بۇگىندە «جاستار رۋحىندا» 14 پەن 29 جاس ارالىعىنداعى جاستار وكىلى ەكەنىن حابارلادى.