جاستار اراسىندا لۋدومانيانىڭ الدىن الۋ جانە ويىن بيزنەسىنە قارسى ءىس-قيمىل جوسپارىن جاستار ساياساتى باسقارماسى الماتى قالاسى بويىنشا ەكونوميكالىق تەرگەۋ دەپارتامەنتىمەن بىرلەسىپ جاسادى. بۇل تۋرالى وكق بريفينگىندە جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك مالىمدەدى.
بريفينگكە قاتىسقان ازيز كاجدەنبەك ويىنعا تاۋەلدىلىك ماسەلەسى وتە وزەكتى ەكەنىن جانە ول الەۋمەتتىك سالداردىڭ تۇتاس كەشەنىن تۋدىرعانىن اتاپ ءوتتى. وسىعان بايلانىستى كەشەندى جوسپار قۇرۋ قاجەتتىلىگى انىقتالدى، ونىڭ شەڭبەرىندە سەمينارلار، دارىستەر، دوڭگەلەك ۇستەلدەر، جارمەڭكەلەر، جاستار مەن تۇرعىندار اراسىندا ءتۇسىندىرۋ جۇمىستارى مەن كونكۋرستار وتكىزىلەدى.
سونىمەن قاتار، باسقارما الەۋمەتتىك مەملەكەتتىك تاپسىرىس شەڭبەرىندە «جاستار اراسىندا ينتەرنەتكە تاۋەلدىلىك پەن قۇمار ويىنداردىڭ الدىن الۋ» جوباسىن ىسكە اسىرۋدا. 2024 جىلى جوباعا بولىنگەن سوما 30 ملن تەڭگەنى قۇرايدى. بيۋدجەتتەگى ءوسىم الدىڭعى جىلدارمەن سالىستىرعاندا 4 ەسەگە كوبەيدى.
جوباعا كەلەسى جۇمىس تۇرلەرى ەنگىزىلدى:
- جوعارى وقۋ ورىندارى مەن كوللەدجدەردە جاستار اراسىندا ينتەرنەتكە تاۋەلدىلىك پەن قۇمار ويىنداردىڭ الدىن الۋ بويىنشا كەمىندە 20 ءىس-شارا وتكىزۋ؛
- قۇمار ويىندارى بار سايتتاردى انىقتاۋ بويىنشا ونلاين مونيتورينگ جۇرگىزۋ، ۇسىنىستار جىبەرە وتىرىپ، قۇمار ويىندارى بار سايتتاردىڭ ءتىزىمىن جاساۋ؛
- اقپاراتتىق كۋرستار مەن جوبالاردى ىسكە اسىرۋ، جاستاردى ينتەرنەت-كەڭىستىكتى ءقاۋىپسىز پايدالانۋ ەرەجەلەرىنە وقىتۋ، كيبەربۋللينگتىڭ، ينتەرنەتكە تاۋەلدىلىكتىڭ جانە قۇمار ويىندارعا تاۋەلدىلىكتىڭ الدىن الۋ بويىنشا ءاقپاراتتىق-تۇسىندىرۋ ماتەريالدارىن ازىرلەۋ؛
- قالا جاستارى اراسىندا ينفليۋەنسەر مەن ترەندسەتەرلەر قاتارىنان قوعامدىق پىكىر كوشباسشىلارىنىڭ پۋلىن قۇرۋ.
«وتكەن جىلدىڭ 23 تامىزىندا الدىن الۋ كۇنىنە ارنالعان «Internet FreeDay» («ينتەرنەتسىز كۇن») ونلاين ويىندارىنىڭ تانىمال جارمەڭكەسى ءوتتى. بۇل ءىس-شارانى جىل سايىن عالامتورعا تاۋەلدىلىكپەن كۇرەس جونىندەگى الەمدىك ينتەرنەت-قاۋىمداستىق اتاپ وتەدى. ءىس-شارا ادامداردى كومپيۋتەرلەردەن جانە عالامدىق جەلىدەن الشاقتاتۋ ماقساتىندا ۇيىمداستىرىلدى»، - دەدى وكق سپيكەرى.
سونىمەن قاتار، اعىمداعى جىلدىڭ ءساۋىر ايىندا الماتى قالاسى ءماسليحاتىنىڭ دەپۋتاتتارىنىڭ، الماتى قالاسى قوعامدىق كەڭەسىنىڭ مۇشەلەرىنىڭ، ءتۇرلى ۇەۇ وكىلدەرىنىڭ قاتىسۋىمەن قوعامدىق تىڭداۋلار وتكىزىلدى. سونداي-اق، باسپا ءسوز كونفەرەنسياسى ۇيىمداستىرىلدى.
باسقارمادا NEET ساناتىنا كىرەتىن جاستارعا ەرەكشە نازار اۋدارىلادى. ۇزاق مەرزىمدى مونيتورينگ ارقىلى جاستار جۇمىسسىزدىعىن تومەندەتۋگە باعىتتالعان قىزمەتتى جاقسارتۋعا عانا ەمەس، سونىمەن قاتار جەكە كوزقاراسقا، الەۋمەتتەنۋگە جانە ءوزىن-وزى جۇزەگە اسىرۋعا كومەكتەسۋگە باسا نازار اۋدارىلادى. اتاپ ايتقاندا، جەكە جانە توپتىق كونسۋلتاسيالار اياسىندا كەڭەس بەرەتىن پسيحولوگتاردىڭ، جاتتىقتىرۋشىلاردىڭ جۇمىستارى.
2024 جىلدىڭ باسىنان باستاپ الماتى قالاسىنىڭ ءبىرقاتار جوعارى وقۋ ورىندارىندا ستۋدەنتتەر اراسىندا «قۇمار ويىندار - قوعام دەرتى، «ينتەرنەتكە تاۋەلدىلىك: پايداسى مەن زيانى» تاقىرىبىندا سەمينار – ترەنينگتەر وتكىزىلىپ، 500-گە جۋىق ادام قامتىلدى.
«ءبىزدىڭ ماقساتىمىز – قالا جاستارى ءۇشىن ءقاۋىپسىز جانە سالاۋاتتى بولاشاقتى قامتاماسىز ەتۋ ەكەنىن تاعى دا اتاپ وتكىم كەلەدى. تەك بىرىگۋ ارقىلى عانا ءبىز ءقاۋىپسىز بولاشاقتى قامتاماسىز ەتە الامىز»، - دەپ قورىتىندىلادى ءا.قاجدەنبەك.