الماتى قالاسى بويىنشا سىبايلاس جەمقورلىققا قارسى قىزمەت «زاڭ مەن ءتارتىپ» يدەولوگيالىق ءنارراتيۆى اياسىندا «UWW گرەپپلينگ سپورتتىق كۇرەسى فەدەراسياسى» قوعامدىق بىرلەستىگىمەن بىرلەسىپ سپورتتىق ءىس-شارا ۇيىمداستىردى. ءىس-شاراعا 400-گە جۋىق جاس سپورتشى – بالالار مەن جاسوسپىرىمدەر قاتىستى.
اتالعان شارا بۇقارالىق سپورتتى دامىتۋمەن قاتار، ءوسىپ كەلە جاتقان ۇرپاقتىڭ بويىندا نەگىزگى ادامگەرشىلىك قاعيداتتاردى قالىپتاستىرۋعا باعىتتالدى. سپورت – بۇل تەك فيزيكالىق شىنىعۋ عانا ەمەس، سونىمەن بىرگە ىشكى تۇراقتىلىقتى، رۋحتىڭ كۇشىن، ادالدىقتى جانە جاۋاپكەرشىلىك سەزىمىن تاربيەلەۋدىڭ قۋاتتى قۇرالى.
ءىس-شارا بارىسىندا الماتى قالاسىنىڭ سىبايلاس جەمقورلىققا قارسى قىزمەتىنىڭ باسشىسى ارمان راحيموۆ قاتىسۋشىلارعا: كۇش ۇستەمدىك ءۇشىن ەمەس، قورعاۋ ءۇشىن قاجەت — وتاندى، وتباسىن، السىزدەر مەن كومەككە مۇقتاجداردى قورعاۋ ءۇشىن قاجەت ەكەنىن اتاپ ءوتتى. سپورت — بۇل اگرەسسيا ەمەس، بۇل — ءوزىن-وزى باقىلاۋ. بۇل جولدا فيزيكالىق جاعىنان مىقتى ەمەس، ءتارتىپتى، ادال جانە مورالدىق تۇرعىدان ءتوزىمدى ادام جەڭىسكە جەتەدى.
ءىس-شارا سوڭىندا جارىس ۇيىمداستىرۋشىلارىنا، جاتتىقتىرۋشىلارعا جانە بەلسەندى قاتىسقان جاس سپورتشىلارعا العىس حاتتار تابىستالدى. بۇل – جارىستى ۇيىمداستىرۋعا قوسقان ۇلەسى، باستاماشىلدىعى، ادال كۇرەس رۋحىنا بەرىكتىگى مەن ءوز قاتارلاستارىنا ۇلگى بولا بىلگەنى ءۇشىن بەرىلگەن ماراپات. بۇل – ادىلەتتى جانە تۇراقتى قوعام قۇرا الاتىن ۇرپاقتى تاربيەلەۋگە قوسىلعان ورتاق ۇلەس.
اتا-انالارعا دا ەرەكشە العىس ءبىلدىرىلدى – بالالارىن تاربيەلەۋگە، ولارعا ۋاقىتىن، كۇش-جىگەرى مەن قاراجاتىن ارناعاندارى ءۇشىن. سەبەبى بولاشاقتىڭ ىرگەتاسى – وتباسىندا قالانادى.
ءىس-شاراعا بالالار ۇيىنەن كەلگەن تاربيەلەنۋشىلەردىڭ قاتىسۋى ەرەكشە مانگە يە بولدى. مۇنداي شارالار ولار ءۇشىن – وزدەرىنىڭ ماڭىزدىلىعىن سەزىنىپ، ءوز كۇشىنە سەنۋگە جانە ىشكى الەۋەتىن اشۋعا ۇلكەن مۇمكىندىك.
بۇل وقيعا جاي عانا سپورتتىق جارىستار جيىنتىعى ەمەس، جاڭا بۋىننىڭ مىنەزى قالاي قالىپتاساتىنىن كورسەتكەن جارقىن مىسال بولدى. ءتارتىپ، ادالدىق، قۇرمەت، دامۋعا ۇمتىلۋ جانە زاڭعا باعىنۋ – بۇل قاسيەتتەر سپورتتا دا، ومىردە دە بىردەي ماڭىزدى.