اۋەزوۆ اۋدانىنىڭ پوليسيا قىزمەتكەرلەرىنىڭ حابارلاماسى بويىنشا، 28 جاستاعى س.ەسىمدى ازامات، زاڭسىز بايۋ ماقساتىندا ءوتىپ بارا جاتقان ادامدى ۇرىپ-سوعىپ، تەلەفونىن تارتىپ العان، دەپ حابارلايدى Almaty-akshamy.kz.
«الدىن الا بولجام بويىنشا، قولىندا تەلەفونى بار جاس جىگىتتى كورگەن بويدا قاسكويدىڭ ويىندا قىلمىستىق نيەت پايدا بولدى. ول جابىرلەنۋشىنىڭ سوڭىنان ەرىپ، جاقىن جەردە ەشكىمنىڭ جوقتىعىنا كوز جەتكىزىپ، وعان شابۋىل جاساعان. كۇدىكتى ۇستالدى. ول توناۋ قىلمىسىن جاساعانىن مويىندادى. ءىستىڭ وسى ساتىسىندا تەرگەۋ، ۇستالعان ازاماتتىڭ وسىعان ۇقساس تاعى ءۇش قىلمىسقا قاتىسى بولۋى مۇمكىن ەكەنىن انىقتادى. سوتقا دەيىنگى تەرگەۋ ق ر قك-نىڭ 191-بابى 2-بولىگى بويىنشا جۇرگىزىلىپ جاتىر. كۇدىكتى قاماۋعا الىندى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.