قازاقستاندىق بالالاردىڭ ءجيى كىرەتىن قوسىمشالارىنىڭ توپ-10-عا Roblox، Brawl Stars جانە Standoff ويىن قوسىمشالارى، Chrome براۋزەرى، Telegram مەسسەندجەرى، Instagram الەۋمەتتىك جەلىسى جانە YouTube Kids كىردى، دەپ حابارلايدى Almaty-akshamy.kz.
سونىمەن قاتار «كاسپەرسكيي زەرتحاناسى» قازاقستاندىق بالالاردىڭ iOS جانە Android جۇيەلەرىندەگى ءموبيلدى قۇرىلعىلاردان قانداي سايتتارعا كىرگەنىن تالداپ، ولاردىڭ ەڭ قىزىعاتىنى مۋلتيمەديالىق ويىن-ساۋىقتار ەكەنىن انىقتادى. كومپانيانىڭ انونيم** جۇرگىزىلگەن ستاتيستيكاسىنا سايكەس، ولاردىڭ ۇلەسى بارلىق رەسۋرستىڭ جارتىسىنا تەڭ بولعان. ەڭ كوپ تارالۋى بويىنشا ينتەرنەت-كوممۋنيكاسيا قۇرالدارى ەكىنشى ورىندا، ولاردىڭ ۇلەسى 27%. ءۇشىنشى ورىندا ويىندار ەكەن: ولاردىڭ ۇلەسى شامامەن 8%-عا تەڭ.
جۇمىس ۇستەلدەرى مەن نوۋتبۋكتەردەن ەڭ كوپ كىرەتىن رەسۋرستاردىڭ تۇرىنە كەلەتىن بولساق، ءبىرىنشى ورىندا ينتەرنەت-كوممۋنيكاسيا قۇرالدارى (38%)، ەكىنشى ورىندا مۋلتيمەديالىق ويىن-ساۋىق (35%)، ال ءۇشىنشى ورىندا - جاڭالىق رەسۋرستارى (7%) بولدى.
جالپى الەمدىك ىزدەۋ ستاتيستيكاسى كورسەتىپ وتىرعانداي، بالالار كوبىنەسە YouTube-تەن ويىن-ساۋىققا، چەللەندجدەرگە جانە لايفستايل ۆيدەولارىنا قاتىستى بلوگەرلەردىڭ اتتارىن نەمەسە ارنا اتاۋلارىن ىزدەيدى (19%). ەكىنشى ورىندا — مۋلتفيلمدەر، سەريالدار جانە انيمە (17%)، ءۇشىنشى ورىندا — مۋزىكالىق ورىنداۋشىلار مەن ويىن بلوگەرلەرى (15%-دان استام). مۋلتفيلمدەردىڭ كوشىن باستاپ كەلە جاتقانى — «لەدي باگ ي سۋپەر-كوت»، فيلمدەردەن — «براتيا سۋپەر ماريو ۆ كينو»، «ءچورنايا پانتەرا: ۆاكاندا ناۆەكي»، «روك دوگ 3: بيتۆا زا بيت».
بالالار ءموبيلدى قۇرىلعىلاردان ۆيدەوويىندار وينايتىنىن كورىپ وتىرمىز، ءبىراق ولار بىرنەشە جىل بۇرىن بۇل ءۇشىن كومپيۋتەرلەردى تاڭدايتىن. سونىمەن قاتار ءبىزدىڭ ستاتيستيكا بويىنشا ينتەرنەت - ولار ءۇشىن نەگىزگى مۇمكىندىكتەرىنىڭ ءبىرى بايلانىس بولىپ قالا بەرەتىنىن راستاپ وتىر. بالالاردى قورعاۋ كۇنى ۇندەۋ جاساعىمىز كەلەدى: جەلىدە سويلەسكەن كەزدە اباي بولۋ، تىم كوپ جەكە اقپاراتتى جاريالاماۋ جانە ءوز لوگيندەرى مەن قۇپياسوزدەرىن ەشكىمگە بەرمەۋدى ۇنەمى ەسكەرتىپ وتىرىڭىز، — دەپ ءتۇسىندىردى «كاسپەرسكيي زەرتحاناسىنىڭ» ديرەكتورى ۆالەريي زۋبانوۆ.