توبەلەسكە قاتىسۋشىلار پوليسيا باسقارماسىنا جەتكىزىلدى.
الماتىدا فۋتبول ءتۋرنيرى كەزىندە جاسوسپىرىمدەر اراسىندا توبەلەس شىقتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
الەۋمەتتىك جەلىدە بىر-بىرىمەن توبەلەسىپ جۇرگەن جاسوسپىرىمدەردىڭ ۆيدەوسى شىقتى. ۆيدەو استىنداعى جازبادا جانجال "وربيتا" شاعىناۋدانىندا بولعانى تۋرالى جازىلعان.
الماتى قالالىق پوليسيا دەپارتامەنتىندە اتالعان وقيعا بويىنشا بوستاندىق اۋداندىق پوليسيا باسقارماسى تەرگەۋ جۇرگىزىپ جاتقانىن حابارلادى.
«وقيعانىڭ ءمان-جايىن ءبىلۋ ءۇشىن توبەلەسكە قاتىسۋشىلار پوليسيا باسقارماسىنا جەتكىزىلدى. ولاردىڭ ارەكەتىنە قۇقىقتىق باعا بەرىلەتىن بولادى. سونىمەن قاتار، ءىستىڭ ءمان-جايىن انىقتاۋ ءۇشىن مەكتەپ وقۋشىلارى اراسىنداعى فۋتبول ءتۋرنيرىنىڭ ۇيىمداستىرۋشىلارى پوليسياعا شاقىرىلدى»، - دەپ حابارلادى قالالىق پوليسيا دەپارتامەنتىنىڭ باسپا ءسوز قىزمەتىندە.