الماتى – تاشكەنت باعىتى بويىنشا اۋە رەيستەرىنىڭ سانى ۇلعايادى

قازاقستان مەن وزبەكستان اراسىنداعى اۋە رەيستەر سانى 2،5 ەسەگە ءوستى

تاشكەنتتە قازاقستان مەن وزبەكستاننىڭ اۆياسيالىق بيلىك ورگاندارىنىڭ كەلىسسوزدەرى ءوتتى، دەپ حابارلايدى اlmaty-akshamy.kz ازاماتتىق اۆياسيا كوميتەتىنە سىلتەمە جاساپ.

كەلىسسوزدەر بارىسىندا تاراپتار رەيستەر سانىن ودان ءارى ارتتىرۋ جانە ۇشۋ گەوگرافياسىن كەڭەيتۋ ماسەلەلەرىن تالقىلادى.

تاراپتار استانا – تاشكەنت باعىتتارى بويىنشا رۇقسات ەتىلگەن رەيستەر سانىن اپتاسىنا 12–دەن 36 رەيسكە دەيىن (ءوسىم 80%) جانە الماتى-تاشكەنت باعىتتارى بويىنشا اپتاسىنا 20-دان 36 رەيسكە دەيىن (ءوسىم 200%)، ال قالعان باعىتتار بويىنشا اپتاسىنا 4 رەيسكە دەيىن ەكى ەسەدەن استام ۇلعايتۋعا ۋاعدالاستى.

وسىلايشا، قول جەتكىزىلگەن ۋاعدالاستىقتار نەگىزىندە اعىمداعى جىلدىڭ كوكتەمگى-جازعى كەزەڭىنەن باستاپ «ەير استانا» جانە «Uzbekistan Airways» اۋە كومپانيالارى الماتى – تاشكەنت باعىتى بويىنشا جيىلىكتەر سانىن اپتاسىنا 14–تەن 20 رەيسكە دەيىن جانە استانا-تاشكەنت باعىتى بويىنشا اپتاسىنا 6-دان 12 رەيسكە دەيىن ۇلعايتۋدى جوسپارلاپ وتىر.
باسەكەلەستىكتى جانە ساۋدا-ەكونوميكالىق ىنتىماقتاستىقتى دامىتۋ، سونداي-اق اۆيابيلەتتەردىڭ قۇنىن تومەندەتۋ ماقساتىندا قازاقستان مەن وزبەكستان اراسىنداعى بارلىق شارتتىق باعىتتار بويىنشا اۋە تاسىمالداۋشىلاردى بىرنەشە رەت تاعايىنداۋ تۋرالى ۋاعدالاستىققا قول جەتكىزىلدى.
سونىمەن قاتار، قازاقستاندىق اۋە تاسىمالداۋشىلار سامارقاند، فەرعانا، بۇحارا جانە قارشي قالالارىنا تىكەلەي تۇراقتى رەيستەر اشۋدى جوسپارلاپ وتىر.