الماتى قالاسىنداعى №118 مەكتەپ-گيمنازياسىندا ۇلتتىق ۇلاننىڭ تاعى دا ءبىر «جاس بۇركىت» اسكەري-پاتريوتتىق سىنىبى اشىلدى. ءىس-شارا بارىسىندا پولكوۆنيك ماقسات باي̆ماعۇلوۆ باسشىلىق ەتەتىن باۋىرجان مومىش ۇلى اتىنداعى 5571 اسكەري ءبولىمى مەن مەكتەپ-گيمنازيا اراسىندا ىنتىماقتاستىق ورناتۋ تۋرالى مەموراندۋمعا قول قوي̆ىلدى. اتالعان ءىس-شارا ۇلى وتان سوعىسىنداعى جەڭىستىڭ 80 جىلدىعى قارساڭىندا وتكىزىلىپ جاتقان «جەڭىسكە 100 كۇن قالعاندا» اكسياسى اياسىندا ۇي̆ىمداستىرىلدى، دەپ حابارلايدى aqshamnews.kz
№118 مەكتەپ-گيمنازياسىنىڭ وقۋشىلارى العاش رەت «جاس بۇركىت» اسكەري-پاتريوتتىق قوزعالىسىنا مۇشە بولدى. مۇشەلىككە 3 «ز» سىنىبىنىڭ 36 وقۋشىسى تولىق ءوتتى. ولار «جاس بۇركىت» انتىن قابىلدادى.
5571 اسكەري ءبولىمىنىڭ وكىلدەرى جاڭا قۇرىلعان «جاس بۇركىت» سىنىبىنا «جاس بۇركىت» اسكەري-پاتريوتتىق قوزعالىسىنىڭ تۋىن، ارناي̆ى ەمبلەماسى، بەرەتى مەن باندانىن تابىستادى. سونداي̆-اق، ءبولىمنىڭ اسكەري وركەسترى مەن مەكتەپ وقۋشىلارى بىرلەسىپ كونسەرتتىك باعدارلاما ۇسىندى.
2023 جىلى وتكەن بۇكىلارميالىق كەڭەستە قازاقستان قارۋلى كۇشتەرىنىڭ جوعارعى باس قولباسشىسى قاسىم-جومارت توقايەۆ وسكەلەڭ ۇرپاقتىڭ اسكەري-پاتريوتتىق رۋحىن كوتەرۋگە باسا ءمان بەرۋ قاجەتتىگىن جانە باتىرلارىمىزدىڭ ەرلىگىن ۇنەمى دارىپتەپ وتىرۋ كەرەكتىگىن اتاپ وتكەن ەدى.
اي̆تا كەتسەك، ۇلتتىق ۇلاننىڭ «جاس بۇركىت» اسكەري-پاتريوتتىق قوزعالىسى 2003 جىلى شىمكەنتتە قۇرىلعان. بۇگىندە ەلىمىزدىڭ بارلىق قالاسىندا بار.