الماتى قالاسى اكىمدىگى جارىقتاندىرۋدىڭ شەبەر-جوسپارىن ازىرلەدى. قۇجات 2025 جىلى 22 تامىزدا بەكىتىلمەك.
جوسپار جۇزەگە اسقاندا جىل سوڭىنا دەيىن جارىق جۇرگىزىلمەگەن اۋماقتار، كوشەلەر، تروتۋارلار مەن جاياۋ جۇرگىنشى ايماقتارىنا جارىق تارتىلىپ، قولدانىستاعى جارىق جۇيەلەرى زاماناۋي تالاپتارعا ساي جاڭعىرتىلماق. قالا تۇنگى ۋاقىتتا دا جارقىراپ، تۇرعىنداردىڭ قاۋىپسىزدىگى مەن جايلىلىعى ارتا تۇسپەك.
جىل باسىنان بەرى الماتىدا 15 مىڭنان استام شام مەن 5،6 مىڭ تورشەر ورناتىلدى، سىرتقى جارىقتاندىرۋدى باسقارۋدىڭ 520 شكافى جاڭعىرتىلدى. بۇعان قوسا، بۇرىن كوشە جارىعى بولماعان 200-دەن استام اۋماق جارىقتاندىرىلدى، توننەلدەر مەن جولايىرىقتاردا 150 پروجەكتور اۋىستىرىلدى. قالانىڭ نەگىزگى كوشەلەرىندە اعاشتى ساندىك جارىقتاندىرۋ ءۇشىن شامامەن 1000 جارىق نۇكتەسى ورناتىلدى. مامىر ايىنان باستاپ 70 نىسانعا ساۋلەتتىك جارىق بەرۋ جۇمىستارى قولعا الىنعان. سونىمەن قاتار جاياۋ جۇرگىنشىلەر ايماقتارىندا قالانى كورىكتەندىرۋ اياسىندا تورشەر شامدارىن ورناتۋ باستالدى.
الداعى ۋاقىتتا وڭىرلىك كوممۋنيكاسيالار قىزمەتىندە «الماتى قالا جارىق» مكك باسشىلىعىنىڭ قاتىسۋىمەن بريفينگ وتكىزىپ، جۋرناليستەرمەن بىرگە جارىق ماسەلەسى شەشىلگەن جانە ءالى دە رەتتەلەتىن اۋماقتارعا بارۋ جوسپارلانىپ وتىر.