گيننەستىڭ رەكوردتار كىتابىنا ەنگەن سياوگۋي اتتى توتىقۇس 10 ءتۇرلى ءتۇستى شاتاستىرماي اجىراتا العان، دەپ حابارلايدى aqshamnews.kz
قىتايدىڭ حەنان پروۆينسياسىندا سياوگۋي اتتى توتىقۇستىڭ الدىنا 10 ءتۇرلى ءتۇستى پلاستيك ىدىس پەن سونداي ءتۇستى شار قويىلدى. مىندەت – ءار شاردى وزىنە سايكەس ىدىسقا سالۋ بولاتىن. تاپسىرما قيىنداۋ ءۇشىن شارلار ادەيى ارالاستىرىلدى. سوعان قاراماستان، سياوگۋي ءار شاردى بىرتىندەپ الىپ، دۇرىس ىدىسقا ورنالاستىردى. اسىرەسە، بىر-بىرىنە وتە ۇقساس قىزعىلت تۇستەردى شاتاستىرماي اجىراتا العان ءساتى كوپشىلىكتى تاڭعالدىردى.
ناتيجەسىندە توتىقۇس 10 ءتۇرلى ءتۇستى نەبارى 33،50 سەكۋندتا دۇرىس سايكەستەندىرىپ شىقتى.
سياوگۋيدىڭ يەسى سين فەن ونى 2020 جىلى بالاپان كەزىندە قولعا الىپ، قولمەن اسىراعان. سودان بەرى ەكەۋىنىڭ اراسىندا بەرىك بايلانىس ورناعان. قوجايىن قۇستىڭ ءتۇرلى ويىنشىقتارعا، اسىرەسە ءتۇستى شارلارعا قىزىعۋشىلىعىن بايقاپ، ونى تۇستەردى اجىراتۋعا ۇيرەتە باستاعان.