الماتىدا جارتى جىل ىشىندە كولىكتى ىشىمدىك ىشكەن كۇيى تىزگىندەگەن مىڭعا جۋىق جۇرگىزۋشى ۇستالعان

الماتى جولدارىندا ءبىرىنشى جارتىجىلدىقتا مىڭعا جۋىق ماس جۇرگىزۋشى ۇستالدى.

 بۇل مالىمەتتەردى جەرگىلىكتى پوليسيا قىزمەتى ءبىرىنشى جارتىجىلدىقتى قورىتىندىلاي كەلە بەرىپ وتىر، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«جىل باسىنان بەرى 470 501 جقە بۇزۋ دەرەگى انىقتالدى. كولىكتى ماس كۇيىندە باسقارعان 988 جۇرگىزۋشى ۇستالدى. سوت شەشىمىمەن 1 549 جۇرگىزۋشى كولىك قۇرالىن باسقارۋ قۇقىعىنان ايىرىلدى. 972 كولىك جۇرگىزۋشىسى اكىمشىلىك قاماۋعا الىندى. رولدەگى ماس جۇرگىزۋشى – قىلمىسكەر. بۇل اكسيوما، وكىنىشكە وراي، كوپ جاعدايدا ادام ولىمىمەن جانە كوپتەگەن وتباسىلاردىڭ قايعىسىمەن بايلانىستى. ەسكە سالا كەتەيىن، كولىكتى ماس كۇيىندە باسقارعانى ءۇشىن زاڭ بويىنشا جازا كۇشەيتىلگەن. ءبىرىنشى رەت كولىك قۇرالىن باسقارۋ قۇقىعىنان ايىرۋ مەرزىمى – 7 جىل. سونىمەن قاتار، 30 تاۋلىككە دەيىن اكىمشىلىك قاماۋعا الۋ قاراستىرىلعان»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى نۇرلان الماسبەكوۆ.

سونداي-اق، جپق التى ايدا شاھار جولدارىندا 1473 جول-كولىك وقيعاسى تىركەلىپ، سونىڭ سالدارىنان 1806 ادام زارداپ شەككەنىن، تاعى 42 ادام قايتىس بولعانىن حابارلادى.