الداعى كۇندەرى اپتاپ ىستىقتىڭ بەتى قايتادى

كەي وڭىرلەردە بۇرشاق جاۋۋى مۇمكىن.

«قازگيدرومەت» ماماندارى 28-30 شىلدەسى كۇندەرى اۋا رايى قانداي بولاتىنىن ايتتى، دەپ حابارلايدى Almaty-akshamy.kz. 

مامانداردىڭ ايتۋىنشا، قازاقستاننىڭ سولتۇستىك بولىگىندەگى مەتەورولوگيالىق جاعدايلار ناشارلاي باستادى. مۇنىڭ سەبەبى، رەسپۋبليكانىڭ اۋماعىن ىستىق وڭتۇستىك پەن سالقىن سولتۇستىككە بولگەن اتموسفەرالىق شەپ بولدى. 

«فرونتالدى بولىكتىڭ بىرتىندەپ جىلجۋى، ەلدىڭ سولتۇستىك جارتىسىندا، سودان كەيىن شىعىسىندا، وڭتۇستىك-شىعىسىندا نايزاعايدىڭ بولۋىنا، جەلدىڭ كۇشەيۋىنە، كەي جەرلەردە بۇرشاقتىڭ جاۋىنا اكەلۋى مۇمكىن. مۇنىڭ ءبارى، سولتۇستىكتە كۇندىزگى اۋا تەمپەراتۋراسىنىڭ تومەندەۋىنە جانە ەلدىڭ وڭتۇستىك جارتىسىندا ىستىقتىڭ باسەڭدەۋىنە ىقپال ەتەدى»، - دەلىنگەن سينوپتيكتەردىڭ بولجامىندا. 

كۇندىزگى ۋاقىتتا قازاقستاننىڭ سولتۇستىك-باتىسىندا، سولتۇستىگىندە اۋا تەمپەراتۋراسى كۇندىز +20 +30°س-تان +15 +25°س-قا دەيىن، ەلدىڭ ورتالىعىندا +25 +33 °س-تان +18 +27°س-قا دەيىن، شىعىس وبلىستاردا اپتاپ ىستىق: +25 +35°س-تان +19+29°س -قا دەيىن تومەندەيدى دەپ كۇتىلۋدە. قازاقستاننىڭ وڭتۇستىگىندە، وڭتۇستىك-شىعىسىندا بولسا،  +30 +39°س-تان +25 +36°س-قا دەيىن بولادى دەپ بولجانۋدا.