Almaty Gallery كەلۋشىلەرى National Geographicء-تىڭ جاڭا فوتوكورمەسىندە جان-جانۋارلاردىڭ ەرەكشە قىزىقتى ساتتەرىنە كۋا بولا الادى، دەپ حابارلايدى aqshamnews.kz.
كورمەدە National Geographic جۋرنالىنىڭ بەتتەرىنەن تاڭداپ الىنعان حايۋاناتتار الەمىنىڭ ەڭ ۇزدىك سۋرەتتەرى ۇسىنىلعان. تابيعات سۋرەتتەرىنىڭ مايتالمان رەداكتورى كەتي موراننىڭ جەتەكشىلىگىمەن ازىرلەنگەن بۇل كورمە National Geographicء-تىڭ مايكل «نيك» نيكولس، ستيۆ ۋينتەر، پول نيكلەن، بيەۆەرلي جۋبەر، ديەۆيد دۋبيلە جانە باسقا دا ەڭ تانىمال فوتوگرافتاردىڭ تۇسىرگەن سۋرەتتەرىنەن قۇرالعان تۇمسا تابيعاتقا دەگەن ايرىقشا كوزقاراس ىسپەتتى.
بۇل سۋرەتتەر فوتوگرافيانىڭ دامۋ ەۆوليۋسياسىن كورسەتە وتىرىپ، فوتوتۇزاق، قاشىقتان ءتۇسىرۋ جانە سۋاستى تەحنولوگياسى سىندى يننوۆاسيالار قالاي فوتوگرافتارعا تۇمسا تابيعاتتاعى تىرشىلىك ورتاسىنا جول اشقانىن كورسەتەدى. «جانۋارلار الەمىنىڭ عاجايىپ سۋرەتتەرى» فوتوكورمەسى Almaty Gallery-دە قازاننىڭ 13-ىنە دەيىن اشىق بولادى.
National Geographic 115 جىل بويىندا تۇمسا تابيعاتتى فوتوتاسپالاۋ ونەرىنىڭ ءىزاشارى ءھام ناسيحاتشىسى بولا وتىرىپ، جانۋارلاردىڭ تابيعاتتا تۇسىرىلگەن ەرەكشە سۋرەتتەرى ارقىلى اۋديتوريانىڭ تالاي بۋىنىن باۋرادى. سولتۇستىك بۇعىسىنىڭ مىناداي بەينەسى العاش رەت جارىق كورگەن 1903 جىلدان بەرى جاڭا كوكجيەكتەردى اشقان National Geographic Society جاريالانىمدارى كوركەمونەردىڭ، عىلىمي جانە تەحنيكالىق جەتىستىكتەردىڭ تەڭدەسسىز تۋىندىلارىن جاساي وتىرىپ، ماقسات مەجەسىن ۇدايى بيىكتەتىپ كەلەدى. بۇلار – تۇمسا تابيعاتتا تۇسىرىلگەن عاجايىپ سۋرەتتەر.
فوتوكورمەنى تاماشالاعىسى كەلگەندەر الماتى قالاسىنداعى Almaty Gallery-گە بارىپ كورە الادى.
National Geographic Society تۋرالى
National Geographic قوعامى – عىلىمنىڭ، زەرتتەۋلەردىڭ، ءبىلىم مەن وقيعالاردى بايانداۋ كۇشىن ءبىزدىڭ الەمنىڭ عاجايىپتارىن جازىپ كورسەتۋ جانە قورعاۋ ءۇشىن قولداناتىن جاھاندىق كوممەرسيالىق ەمەس ۇيىم. National Geographic 1888 جىلدان باستاپ باتىل ادامدار مەن جاسامپاز يدەيالارعا ينۆەستيسيالاپ، بارلىق جەتى قۇرلىقتا جۇمىس ىستەۋ ءۇشىن 15 000-نان استام گرانت بەرۋ ارقىلى زەرتتەۋلەر شەكاراسىن كەڭەيتىپ كەلەدى. ءبىلىم بەرۋ باستامالارى ارقىلى جىل سايىن 3 ميلليون ستۋدەنتتى قامتىپ، وزىندىك تاجريبە، اڭگىمە جانە مازمۇن ارقىلى دۇنيەجۇزىلىك اۋديوريانىڭ نازارىن اۋدارادى. قوسىمشا اقپارات الۋ ءۇشىن www.nationalgeographic.org سايتىنا كىرىڭىز نەمەسە Instagram، Twitter جانە Facebook جەلىلەرىندە بىزگە جازىلىڭىز.