الماتى قالاسىنداعى م. تىنىشپايەۆ اتىنداعى لوگيستيكا جانە كولىك اكادەمياسىندا Vء-شى كولىكتەگى قاۋىپسىزدىك جانە سيفرلاندىرۋ بويىنشا ەۋرازيالىق فورۋمى ءوتتى.
ءىس-شارا بارسىندا كولىك سالاسىنداعى وزەكتى ترەندتەر، يننوۆاسيالىق شەشىمدەر مەن سيفرلاندىرۋ ماسەلەلەرى كەڭىنەن تالقىلاندى، دەپ حابارلايدى aqshamnews.kz Polisia.kz-كە سىلتەمە جاساپ.
وعان ءازىربايجان، رەسەي، قىرعىزستان تەمىر جول اكىمشىلىكتەرىنىڭ، ق ر كولىك مينيسترلىگىنىڭ، “KAZLOGISTICS” كولىكشىلەر وداعىنىڭ، عىلىمي-زەرتتەۋ جانە ءبىلىم بەرۋ ۇيىمدارىنىڭ وكىلدەرى، سونداي-اق كولىكتەگى پوليسيا دەپارتامەنتىنىڭ باسشىلىعى قاتىستى. فورۋمدا تەمىرجول كولىگىندە قوزعالىس قاۋىپسىزدىگىن قامتاماسىز ەتۋ بويىنشا وزەكتى ماسەلەلەر قارالدى.
قاتىسۋشىلار پويىز قوزعالىسىنىڭ قاۋىپسىزدىگى سالاسىنداعى وزىق تەحنولوگيالارىمەن جانە ولاردى قولدانۋ تاجىريبەلەرىمەن ءبولىستى. باسقوسۋ بارىسىندا “قازاقستان تەمىر جولى” ۇك” اق جۇمىسىنىڭ نەگىزگى باعىتتارى ايتىلدى. سونداي-اق تەمىر جولداعى وقىس وقيعالاردىڭ الدىن الۋ بويىنشا باسىم مىندەتتەر قويىلدى. قتج سپيكەرلەرى قابىلدانعان كەشەندى شارالار مەن كولىكتەگى پد قىزمەتكەرلەرىمەن بىرلەسە جۇرگىزىلگەن پروفيلاكتيكالىق ءىس-شارالاردىڭ ارقاسىندا جىلجىمالى قۇرامنىڭ ادامدار مەن قاراۋسىز جايىلىپ جۇرگەن ءۇي جانۋارلاردى قاعىپ كەتۋى، سونىمەن قاتار، وتكەلدەردەگى جول-كولىك وقيعالارىنىڭ ازايعانىن اتاپ ءوتتى. تاراپتار بۇل باعىتتاعى جۇمىستاردىڭ ءارى قاراي جالعاساتىنىنا سەنىم ءبىلدىردى.
فورۋمدا تەمىرجولداعى قوعامدىق قاۋىپسىزدىك پەن تاسىمالداناتىن مۇلىكتەردىڭ ساقتالۋىن قامتاماسىز ەتۋگە زور ۇلەس قوسىپ جۇرگەن ءبىرقاتار قىزمەتكەرلەر ماراپاتتالدى. ولاردىڭ اراسىندا كولىكتەگى پوليسيا دەپارتامەنتى باستىعىنىڭ مىندەتىن اتقارۋشى ماديار ايتۋعانوۆ تا بار. پوليسيا پولكوۆنيگى “قازاقستان تەمىر جولىنىڭ 120 جىلدىعىنا” ارنالعان مەرەكەلىك مەدالىمەن ماراپاتتالدى. شارا سوڭىندا قاتىسۋشىلار زاماناۋي قۇرالداردىڭ، VR تەحنولوگيالارىنىڭ، سيفرلىق قاۋىپسىزدىك شەشىمدەرىنىڭ كورمەسىن تاماشالادى.