قالادا BRT جەلىسى قالپىنا كەلتىرىلىپ جاتىر
الماتىدا BRT جەلىسىنىڭ بويىنداعى جول جەلىسىن قالپىنا كەلتىرۋ ءۇشىن جاندوسوۆ كوشەسىنىڭ بولىگى ۋاقىتشا جابىلادى، دەپ حابارلايدى Almaty-akshamy.kz الماتى قالالىق موبيلدىلىك باسقارماسىنا سىلتەمە جاساپ.
ۆەدومستۆونىڭ اقپاراتىنا سايكەس، BRT بويىنشا كوشە-جول جەلىلەرىن جاڭعىرتۋ جوباسىن جۇزەگە اسىرۋ اياسىندا جۇرگىزىلەتىن جول جوندەۋ جۇمىستارىنا بايلانىستى 12 جانە 14 قاراشا كۇندەرى تۇنگى ۋاقىتتا ساعات 23:00-دەن 06:00-گە جاندوسوۆ كوشەسىنىڭ سۇلەيمەنوۆ كوشەسىنەن تيميريازيەۆ كوشەسىنە دەيىنگى بولىگىندە كولىك قوزعالىسى ۋاقىتشا شەكتەلەتىن بولادى.
سونىمەن قاتار، 14 قاراشا ساعات 06:00-دەن 15 قاراشا كۇنگى 06:00-گە دەيىن №6، 11، 12 تروللەيبۋس مارشرۋتتارى ۋاقىتشا توقتاتىلادى.
«كەلتىرىلگەن قولايسىزدىقتار ءۇشىن كەشىرىم وتىنەمىز جانە جول ءجۇرۋ باعىتتارىڭىزدى الدىن الا جوسپارلاۋلارىڭىزدى سۇرايمىز»، – دەلىنگەن حابارلامادا.