1 شىلدەدە ساعات 13.00-دەن 20.00-گە دەيىن الماتى قالاسىندا 12 مم-گە دەيىن جاڭبىر جاۋادى، تاۋلى اۋداندا نوسەر جاڭبىر جاۋادى دەپ بولجانىپ وتىر، دەپ حابارلايدى اlmaty-akshamy.kz.
قالانىڭ كوممۋنالدىق قىزمەتى ءتاس-تۇيىن دايىن. جاۋىن-شاشىن كەزىندە سۋ باسۋدىڭ الدىن الۋ جانە سۋدىڭ كەدەرگىسىز اعىپ كەتۋى ءۇشىن موتوپومپالارمەن، باگرلەرمەن جانە باسقا دا شانس قۇرالدارىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلادى. 2،5 مىڭ قاپ قۇم دايىندالدى.
كۇندىزگى ۋاقىتتا جاۋىن-شاشىن كەزىندە بارلىعى 465 بىرلىك ارنايى تەحنيكا، 28 موتوپومپا جانە 810 جۇمىسشى جۇمىلدىرىلادى.
«قازگيدرومەت» رمك-نىڭ دەرەگى بويىنشا 30 ماۋسىمدا قالادا 11 مم-گە دەيىن جاۋىن-شاشىن، ال كىشى الماتى شاتقالىندا 28 مم-گە دەيىن جاۋعان قاتتى جاڭبىردان كەيىن ماۋسىم ايىنداعى جاۋىن-شاشىننىڭ جارتىسىنا جۋىعى (59 مم) ءتۇسىپ، قاتتى جەلدىڭ سالدارىنان قۇلاعان بۇتاقتارمەن، قوقىس، لايمەن بىتەلگەن ارىق جەلىلەرى مەن جول استىنداعى وتكەلدەر 320 جۇمىسشىنىڭ جانە 92 بىرلىك ارنايى تەحنيكانىڭ كۇشىمەن تازارتىلدى. تۇنگى ۋاقىتتا 210 م3 قوقىس شىعارىلدى.
اۋا-رايىنىڭ بۇزىلۋىنا بايلانىستى قالا تۇرعىندارى مەن قوناقتارىنا تاۋعا بارۋدى قويا تۇرۋ ۇسىنىلادى. جۇرگىزۋشىلەرگە اعاشتاردىڭ قۇلاۋ جانە ەلەكتر جەلىلەرىنىڭ ءۇزىلۋ قاۋپىنە بايلانىستى اۆتوكولىكتى جول جيەگىنە قويماۋعا كەڭەس بەرەمىز.
سۋ تاسقىنىنىڭ الدىن الۋ ءۇشىن قالا تۇرعىندارىنان ارىق پەن كانالدى قوقىسقا تولتىرىپ، بىتەپ تاستاماۋدى سۇرايمىز. قۇقىق بۇزۋشىلار ق ر اقبتك-نىڭ 505-بابى بويىنشا «قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ، سونداي-اق ينفراقۇرىلىم نىساندارىن بۇزۋ، قالا مەن ەلدى مەكەندەردىڭ جاسىل جەلەكتەرىن جويۋ جانە زاقىمداۋ» بويىنشا اكىمشىلىك جاۋاپكەرشىلىككە تارتىلادى.