الماتىنىڭ جەتىسۋ اۋدانىندا كۇردەلى جوندەۋ اياسىندا كوكجيەك شاعىن اۋدانىنداعى ەسەنتاي وزەنىنىڭ جاعاسىندا Kokjiek Garden ساياباق ايماعى سالىنۋدا. جالپى ۇزىندىعى 1،7 كم قۇرايدى، دەپ حابارلايدى اlmaty-akshamy.kz.
بۇعان دەيىن بۇل ۋچاسكە مۇلدەم اباتتاندىرىلماعان: ايماق گامارنيك كوشەسىنەن كوكجيەك شاعىن اۋدانىنا جول جابىنى جوق اۆتوموبيل جولى رەتىندە قىزمەت ەتكەن.
گامارنيك كوشەسىنىڭ تۇرعىندارى جەتىسۋ اۋدانىنىڭ اكىمدىگىنە وسى ۋچاسكەنى اباتتاندىرۋ تۋرالى ءوتىنىش ءبىلدىردى. اۋدان اكىمى گۇلنار كوكەبايەۆانىڭ تاپسىرماسى بويىنشا كوكجيەك شاعىن اۋدانىنان كەمەل شاعىن اۋدانىنا كەدەرگىسىز جانە ءقاۋىپسىز وتۋگە مۇمكىندىك بەرەتىن جايلى جاعالاۋ ايماعىن سالۋ تۋرالى شەشىم قابىلداندى.
قازىرگى ۋاقىتتا توسەنىش توسەۋ، اسفالتتاۋ، ەسەنتاي وزەنىنىڭ بويىندا قورشاۋلار، جاياۋ جۇرگىنشىلەر كوپىرلەرى، 210 جارىقتاندىرۋ تىرەكتەرى، بالالار، سپورت جانە كونكي الاڭدارىنا نەگىزدەر دايىنداۋ جۇمىستارى جۇرگىزىلدى. سونداي-اق، ۇزىندىعى 10 كم اۆتو سۋارۋ سالىنادى.جۇمىستاردى اياقتاۋ وسى جىلدىڭ شىلدە ايىنىڭ سوڭىندا جوسپارلانعان. 
Kokjiek Garden ساياباق ايماعى ىرگەلەس تۇرعىن ءۇي الاپتارىنىڭ تۇرعىندارىن دەمالىس ءۇشىن قولايلى جاعدايمەن قامتاماسىز ەتەدى: بالالار جانە سپورت الاڭدارى بار جاڭا قوعامدىق كەڭىستىك، كونكي الاڭى، جاياۋ جۇرگىنشىلەر جولدارى جانە وزەن جاعاسىندا دەمالىس ايماعى پايدا بولادى. بۇرىن حابارلانعانداي، ەسەنتاي وزەنىنىڭ بويىندا جالپى ۇزىندىعى 1،2 كم بولاتىن تاعى ءبىر جاڭا قوعامدىق كەڭىستىك سالىنۋدا. ساياباق ايماعى چەرنوۆيسكايا كوشەسىنىڭ بويىمەن سامىرسىن كوشەسىنە دەيىن سوزىلادى.قۇرىلىس وسى جىلدىڭ شىلدە ايىنىڭ سوڭىندا اياقتالادى.
ايتا كەتەيىك، جەتىسۋ اۋدانىنىڭ اكىمى لاۋازىمىنا گۇلنار كوكەبايەۆا 2020 جىلدىڭ قازان ايىندا تاعايىندالعان بولاتىن.