الماتىدا قوعامدىق كولىكتە جول ءجۇرۋ اقىسىن 20 تەڭگەگە كوتەرۋ مۇمكىندىگى قاراستىرىلۋدا. قالا اكىمدىگىنىڭ قاۋلى جوباسى قوعاممەن تالقىلانۋ ءۇشىن «اشىق نقا» سايتىندا جاريالاندى، دەپ حابارلايدى اlmaty-akshamy.kz. (https://legalacts.egov.kz/arm/admin/viewcard؟id=15105017)
قالالىق موبيلدىلىك باسقارماسى 80 تەڭگەلىك تاريف 2011 جىلدان بەرى وزگەرمەگەنىن جانە بىلتىر عانا 20 تەڭگەگە وسكەنىن اتادى. قازىرگى ۋاقىتتا الماتىدا قوعامدىق كولىكتەگى ءتاريفتىڭ قۇنى قولما-قول اقشاسىز تاسىلمەن تولەگەن كەزدە 100 تەڭگە، ال قولما-قول تولەگەن كەزدە 200 تەڭگە مولشەرىندە بەلگىلەنگەن.
بۇل رەتتە، ۆەدومستۆو وسى جىلى قوعامدىق كولىكتە جول ءجۇرۋ ءۇشىن ورتاشا تاريف 310 تەڭگە، ال كەيبىر مارشرۋتتا 400 تەڭگەگە جەتەتىنىن اتاپ ءوتتى. وسىعان بايلانىستى جىل سايىن تاسىمالداۋشىلارعا تولەنەتىن سۋبسيديا مولشەرى وسۋدە. ەگەر 2023 جىلى 68،7 ملرد. تەڭگە بولىنسە، 2024 جىلى سۋبسيديانىڭ بولجامدى سوماسى 97،3 ملرد. تەڭگەگە دەيىن ءوستى. وسىلايشا، قازىرگى تاريف بويىنشا سۋبسيديالاۋ مولشەرى ۇنەمى ءوسىپ وتىرادى، بۇل جەرگىلىكتى بيۋدجەت ءۇشىن شامادان تىس بولۋى مۇمكىن.
«قالا تاسىمالداۋشىلارى قولدانىستاعى تاريف تاسىمالداۋشىلاردىڭ اۆتوبۋس ساتىپ الۋعا، جاڭارتۋعا جانە ۋاقىتىلى قىزمەت كورسەتۋگە، سونداي-اق جۇرگىزۋشىلەردىڭ جالاقىسىن كوتەرۋگە جۇمساعان شىعىندى وتەمەيدى دەپ بىرنەشە رەت مالىمدەدى. تاسىمالداۋشىلارعا جانە جەرگىلىكتى بيۋدجەتكە جۇكتەمەنى ءىشىنارا ازايتۋ ماقساتىندا قالالىق قاتىناستاردا جولاۋشىلار مەن باگاجدى اۆتوموبيلمەن تۇراقتى تاسىمالداۋعا تاريف بەلگىلەۋ تۋرالى قالا اكىمدىگى قاۋلىسىنىڭ جوباسى دايىندالدى. جوبا جول ءجۇرۋ ءتاريفىن 120 تەڭگەگە دەيىن كوتەرۋدى كوزدەيدى. تيىسىنشە، ازاماتتاردىڭ جەڭىلدەتىلگەن ساناتتارى ءۇشىن جول ءجۇرۋ قۇنى ءتاريفتىڭ 50%-ى بولادى»، - دەلىنگەن باسقارمانىڭ حابارلاماسىندا.
سونىمەن قاتار، قوعامدىق كولىكتە جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا جول ءجۇرۋ اقىسىن قولما-قول اقشامەن تولەۋدى جويۋ كوزدەلگەن. بۇل اۆتوبۋس جۇرگىزۋشىسىنە كولىك قۇرالىن باسقارۋعا جانە اقشا جيناۋعا الاڭداماۋعا مۇمكىندىك بەرەدى.
قالالىق موبيلدىلىك باسقارماسى جاڭا تاريف كەزىندە سۋبسيديالاۋدىڭ بولجامدى كولەمى 2024 جىلى 7 ملرد. تەڭگەدەن استامعا قىسقاراتىنىن اتاپ ءوتتى. بۇل قالا تۇرعىندارىنىڭ تالابىن ەسكەرە وتىرىپ، قوعامدىق كولىكتە كوپ ءجۇرۋدى ارتتىرۋعا قوسىمشا قارجى جۇمساۋعا مۇمكىندىك بەرەدى.
ماسەلەن، 2023 جىلى قالا اكىمدىگى 600 جاڭا اۆتوبۋس پەن 100 تروللەيبۋس ساتىپ الدى. بيىل قوسىمشا 600 اۆتوبۋس، 100 تروللەيبۋس جانە 100 ەلەكتروبۋس ساتىپ الۋ جوسپارلانعان. بۇل تەحنيكالاردى ساتىپ الۋعا 160 ملرد. تەڭگەدەن استام قاراجات ءبولىندى. بۇعان قوسا، جەكە تاسىمالداۋشىلار 2023 جىلى 550 اۆتوبۋس، 2024 جىلى 400-گە جۋىق جاڭا اۆتوبۋس ساتىپ الۋدى جوسپارلاعان.
بيىل BRT، LRT جانە مەترو سياقتى جەدەل قوعامدىق كولىكتى دامىتۋدى كوزدەيتىن كولىك قاڭقاسىنىڭ شەبەر جوسپارىن جۇزەگە اسىرۋ باستالدى. 2030 جىلعا قاراي قالادا ۇزىندىعى شامامەن 300 كم بولاتىن 42 كولىك ءدالىزى قۇرىلادى، بۇل قالاداعى تۇرعىن ءۇي اۋماعىنىڭ تورتتەن ءۇش بولىگىن قامتۋعا مۇمكىندىك بەرەدى. سونداي-اق، جولاقىسىن تولەۋ جانە تەگىن تاسىمالداۋدا تاريفتىك ءمازىر ازىرلەنەدى.