12 ساۋىرگە ارنالعان اۋا رايى بولجامى.
"قازگيدرومەت" رمك استانا، الماتى جانە شىمكەنت قالالارىندا اۋا رايى قالاي بولاتىنىن ايتتى، دەپ حابارلايدى Almaty-akshamy.kz
بولجامعا سايكەس، ەلوردادا كۇن كۇرت سۋىتۋ ىقتيمالدىلىعى جوعارى، ال ەلىمىزدىڭ وزگە ەڭ ءىرى ەكى مەگاپوليسىندە نايزاعاي ويناپ، جاڭبىر جاۋادى دەپ كۇتىلەدى:
استانادا - اسپان بۇلتتى، كۇن رايى جاۋىن-شاشىنسىز، تۇندە جانە تاڭەرتەڭ تۇمان بولادى. تۇندە وڭتۇستىك-باتىستان سوققان جەلدىڭ ەكپىنى 9-14 م/س، كەي تۇستا 15-20 م/س دەيىن جەتەدى. اۋا تەمپەراتۋراسى تۇندە: -3...-5°س، كۇندىز: +7...+9°س؛
الماتىدا - اسپان بۇلتتى، تاڭەرتەڭ جانە تۇستەن كەيىن جاڭبىر جاۋىپ، اراكىدىك نايزاعاي وينايدى. سولتۇستىك-شىعىستان سوققان جەلدىڭ ەكپىنى - 3-8 م/س، نايزاعاي كەزىندەگى ەكپىنى - 18 م/س. اۋا تەمپەراتۋراسى تۇندە: +7...+9°س، كۇندىز: +13...+15°س؛
شىمكەنتتە - اسپان بۇلتتى، تاڭەرتەڭ جانە تۇستەن كەيىن جاڭبىر جاۋادى، نايزاعاي وينايدى، قاتتى جەل تۇرادى. سولتۇستىك-شىعىستان سوققان جەلدىڭ ەكپىنى - 8-13 م/س، تاڭەرتەڭ جانە تۇستەن كەيىنگى ەكپىنى - 15-20 م/س. اۋا تەمپەراتۋراسى تۇندە: +10...+12°س، كۇندىز: +19...+21°س.
سينوپتيكتەر قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ جۇرۋىنە بايلانىستى اۋا رايىنىڭ تۇراقسىز سيپاتى ساقتالاتىنىن، نەگىزىنەن جاڭبىر جاۋاتىنىن ەسكەرتەدى.
"ەلىمىزدىڭ وڭتۇستىگىندە، وڭتۇستىك-شىعىسىندا، تاۋلى ايماقتاردا جاۋىن-شاشىن (جاڭبىر، قار)، رەسپۋبليكامىزدىڭ شىعىسىندا، ورتالىعىندا دا جاۋىن-شاشىن (جاڭبىر، قار) بولادى دەپ بولجانادى. قازاقستان بويىنشا تۇمان ءتۇسىپ، جەل كۇشەيەيۋ سيپاتى باسىم، ەلىمىزدىڭ سولتۇستىك، شىعىس وڭىرلەرىندە كوكتايعاق، وڭتۇستىك، وڭتۇستىك-شىعىس وڭىرلەرىندە نايزاعاي ويناپ، وڭتۇستىك-باتىستا كۇندىز شاڭدى داۋىل بولادى"، دەلىنگەن "قازگيدرومەت" رمك حابارلاماسىندا.