جاڭا سۋ قويمالارى 11 وبلىستا سالىنادى.
الاپات سۋ تاسقىنىنان كەيىن ەلىمىزدە 20 سۋ قويماسى سالىناتىن بولدى، دەپ حابارلايدى Almaty-akshamy.kz
سۋ رەسۋرستارى جانە يرريگاسيا مينيسترلىگىنىڭ رەسمي وكىلى ءمولدىر ابدۋالييەۆانىڭ ايتۋىنشا، ەلدىمەكەندەردى سۋ تاسقىنىنان قورعاۋ جانە تاسقىن سۋىن جيناۋ ماقساتىندا سۋ رەسۋرستارى جانە يرريگاسيا مينيسترلىگى 20 سۋ قويماسىن سالادى.
"بەس سۋ قويماسىنىڭ قۇرىلىسىن بيىل باستاۋ جوسپارلانىپ وتىر. جاڭا سۋ قويمالارى سۋارمالى جەرلەردىڭ اۋدانىن 250 مىڭ گەكتارعا ۇلعايتۋعا جانە 137 مىڭ تۇرعىنى بار 70 ەلدىمەكەندى سۋ باسۋ ءقاۋپىن ازايتۋعا سەپتىگىن تيگىزەدى. سونداي-اق، ەلىمىزدەگى جۇمىس ىستەپ تۇرعان 15 سۋ قويماسىنا رەكونسترۋكسيا جاسالادى. بۇل 70 مىڭ ادام تۇراتىن 64 ەلدىمەكەندى سۋ باسۋ ءقاۋپىن ازايتۋعا، سونداي-اق 74 مىڭ گەكتار سۋارمالى جەرگە سۋ بەرۋدى جاقسارتۋعا مۇمكىندىك بەرەدى"، - دەدى ول.
ونىڭ ايتۋىنشا، سۋ تاسقىنى كەزەڭىنىڭ قورىتىندىسى بويىنشا سۋ رەسۋرستارىن باسقارۋ جۇيەسىن دامىتۋدىڭ 2024-2030 جىلدارعا ارنالعان تۇجىرىمداماسىنا وزگەرىستەر ەنگىزىلەدى. مەملەكەت باسشىسىنىڭ تاپسىرماسىنا سايكەس، تۇجىرىمداماعا سۋ تاسقىنىنىڭ الدىن الۋ جانە ەرىگەن قار سۋىن جيناپ، ونى ودان ءارى اۋىل شارۋاشىلىعىندا جانە باسقا دا ماقساتتارعا پايدالانۋ جونىندە ءىس-شارالار ەنگىزىلەدى.