الماتى قالاسى ادىلەت دەپارتامەنتىنىڭ وكىلدەرى وڭىرلىك كوممۋنيكاسيالار قىزمەتىنىڭ بريفينگىندە حابارلاعانداي، 2023 جىلى مەملەكەتتىك ورگان 34 اكىمشىلىك ءىس قوزعادى، 15 ملن تەڭگەدەن استام سوماعا كونترافاكتىلىك ءونىم انىقتالدى، دەپ حابارلايدى اlmaty-akshamy.kz.
كونترافاكتىلىك ونىمدەرگە قاتىستى نەگىزگى بۇزۋشىلىقتار Chanell، Toyota/Lexus، Apple، Iphone، ZEPTER، Levi's، Louis Vuitton، SKF، LEGO جانە PUMA سياقتى تانىمال ساۋدا بەلگىلەرىمەن بايلانىستى.
«جالپى بيىل دەپارتامەنت 34 اكىمشىلىك ءىس قوزعادى. زاڭسىز اينالىمنان جالپى سوماسى 15 ملن. 243 مىڭ 971 تەڭگەنى قۇرايتىن 16 107 كونترافاكتىلىك ءونىم الىندى." تاۋار تاڭبالارى مەن ۇقساس بەلگىلەردى زاڭسىز پايدالانۋ بويىنشا، ونىڭ ىشىندە 28 قۇقىقبۇزۋشى اكىمشىلىك جاۋاپكەرشىلىككە تارتىلدى»، - دەدى الماتى قالاسى ادىلەت دەپارتامەنتىنىڭ زياتكەرلىك مەنشىك قۇقىعى ءبولىمىنىڭ باسشىسى ەركەبۇلان جەتپىسبايەۆ.
ادىلەت ورگاندارىنىڭ وكىلدەرى بىرەۋدىڭ تاۋار بەلگىسىن زاڭسىز پايدالانعانى ءۇشىن جاۋاپكەرشىلىك قاراستىرىلعانىن ەسكە سالدى. سونىمەن، زاڭ بۇزۋشىلارعا ايىپپۇلدار مەن تاۋارلاردى تاركىلەۋ ءقاۋپى ءتونىپ تۇر. تاركىلەنگەن كونترافاكتىلىك تاۋارلار، زاڭناماعا سايكەس جويىلۋى ءتيىس.
ە.جەتپىسبايەۆ ءوز سوزىندە اتاپ وتكەندەي، دەپارتامەنتتە حالىق، كاسىپكەرلەر جانە قۇقىق يەلەرى اراسىندا اقپاراتتىق قۇقىقتىق ءتۇسىندىرۋ ءىس-شارالارى وتكىزىلەدى. وسى جىلدىڭ باسىنان بەرى 400-دەن استام وسىنداي ءىس-شارالار وتكىزىلدى.
قۇقىقتارى مەن مۇددەلەرى بۇزىلعان جاعدايدا تۇرعىندارعا اكىمشىلىك جاۋاپكەرشىلىك شارالارىن قولدانۋ ءۇشىن ادىلەت ورگاندارىنا جۇگىنۋ قاجەتتىگى ايتىلدى.