بۇل جوبا الداعى ۋاقىتتا مەكتەپ سپورتى اياسىنداعى ماڭىزدى شارالاردىڭ بىرىنە اينالادى.
جەڭىمپازدارعا تاعايىندالعان جۇلدە قورى – 500 مىڭ تەڭگە، دەپ حابارلايدى Almaty-akshamy.kz
بيىل ەلىمىزدە العاش رەت وقۋ-اعارتۋ مينيسترلىگىنىڭ قولداۋىمەن شاحماتتان رەسپۋبليكالىق وليمپيادا وتەدى.
ۇلتتىق عىلىمي-پراكتيكالىق دەنە تاربيەسى ورتالىعىنىڭ باسشىسى ساعدات سادىقوۆتىڭ ايتۋىنشا، وليمپياداعا ەل بويىنشا قالا، اۋدان، وبلىستىق ىرىكتەۋ كەزەڭدەرىنەن وتكەن 2-11 سىنىپ ارالىعىنداعى 100-گە جۋىق وقۋشى قاتىسادى.
رەسپۋبليكالىق كەزەڭ 1-5 ءساۋىر ارالىعىندا استانادا وتەدى. وليمپيادا حالىقارالىق شاحمات فەدەراسياسىنىڭ ەرەجەلەرى بويىنشا راپيدتىك (كوماندالىق) فورماتتا وتەدى. جەڭىمپازدارعا تاعايىندالعان جۇلدە قورى – 500 مىڭ تەڭگە.
«مەملەكەت باسشىسىنىڭ قولداۋىمەن «مەكتەپتەگى شاحمات» جوباسى جۇزەگە اسىرىلدى. شاحمات قوزعالىسىن ودان ءارى قولداۋ ماقساتىندا بيىل وقۋشىلار اراسىندا ارنايى وليمپيادا باستالدى. مەكتەپىشىلىك كەزەڭدە 319 مىڭنان اسا وقۋشى قاتىسىپ، ۇزدىكتەر ەلوردادا ب ا ق سىنايدى. جەڭىمپازدار مەن جۇلدەگەرلەر مەدالدارمەن، كۋبوكتارمەن جانە ديپلومدارمەن ماراپاتتالادى»، – دەدى ساعدات سادىقوۆ.