بۇل اتتى زووباق قىزمەتكەرلەرى تاڭداعان.
الماتى زووباعىنداعى كىشكەنتاي كەرىككە سۇلتان دەگەن ات بەرىلدى، دەپ حابارلايدى Almaty-akshamy.kz.
ەستەرىڭىزگە سالا كەتسەك، ءشىلدىنىڭ سوڭعى كۇندەرى الماتى زووباعىنداعى حان مەن سۇلۋ اتتى كەرىكتەر جۇبى كىشكەنتاي ەركەك قۇلىندى ومىرگە اكەلگەن بولاتىن.
«ءبىز ۇزاق تالقىلاۋلار مەن پىكىرتالاستار جۇرگىزگەننەن كەيىن كىشكەنتاي كەرىگىمىزگە ات تاڭدادىق. ات تاڭداۋعا زووباعىمىزدىڭ بارلىق قىزمەتكەرلەرى اتسالىستى.
جانۋارعا دۇرىس ەسىم بەرۋ ماڭىزدى. ويتكەنى ول اتىنا زاتى ساي بولۋى ءتيىس.
اكەسى حان، اناسى سۇلۋ، اپكەسى حانزادا ەكەنىن ەسكەرىپ، ءبىز وعان سۇلتان دەگەن ات بەردىك.
سىزدەرگە ءبىزدىڭ تاڭداۋىمىز ۇنادى ما؟ پىكىرلەرىڭىزدى كۇتەمىز»،- دەلىنگەن زووباقتىڭ الەۋمەتتىك جەلىدەگى حابارلاماسىندا.
پوسموترەت ەتۋ پۋبليكاسيۋ ۆ Instagram