سەبەبى ولار مۇلىك سالىعىن تولەمەگەن.
1 قازاندا 2021 جىلعا ارنالعان جەكە مۇلىك سالىعىن تولەۋ مەرزىمى اياقتالادى، ءبىراق 65 مىڭنان استام الماتىلىق بەرەشەگىن ءالى وتەمەگەن، دەپ حابارلايدى Almaty-akshamy.kz
«تولەۋ مەرزىمىنە ساناۋلى كۇندەر قالعانىنا قاراماستان، الماتىنىڭ 65 215 تۇرعىنى جالپى سوماسى 945 ميلليون تەڭگە سالىقتى تولەمەگەن. ەڭ كوپ تولەنبەگەن سالىق بوستاندىق اۋدانىنىڭ تۇرعىنىنا تيەسىلى. ونىڭ كولەمى - 15،5 ملن تەڭگە»، - دەپ مالىمدەدى الماتى قالاسى بويىنشا مەملەكەتتىك كىرىستەر دەپارتامەنتى.
دەپارتامەنت جەكە ءۇيى، پاتەرى، ساياجايى، گاراجى جانە باسقا دا عيماراتتارى بار ازاماتتار سالىق تولەۋى كەرەك ەكەنىن ەسكە سالدى.
ايتا كەتۋ كەرەك، سالىق تولەۋ مەرزىمى وتكەننەن كەيىن، ياعني 1 قازاننان كەيىن مۇلىك سالىعىن تولەمەگەندەر بانكتىك قىزمەتتەردى الا المايدى، ونىڭ ىشىندە بانكتىك شوت اشۋ، اۋدارىمدار جاساۋ، نەسيە الۋ جانە تاعى باسقا. بۇل سالىق كودەكسىندە قاراستىرىلعان.
ءاربىر كەشىكتىرىلگەن كۇن ءۇشىن ۇلتتىق بانك بەلگىلەگەن رەسمي قايتا قارجىلاندىرۋ ستاۆكاسىنىڭ 1،25 ەسەلەنگەن مولشەرىندە ايىپپۇل سالىنادى.
سونىمەن قاتار سالىق ورگاندارى بورىشكەرلەرگە، اتاپ ايتقاندا، مۇلىكتى جانە بانك شوتتارىنا تىيىم سالۋ، سونىمەن قاتار ەلدەن تىس جەرلەرگە شىعۋدى شەكتەۋ شارالارىن قولداناتىن سوت ورىنداۋشىلارىنا ماجبۇرلەپ ورىنداۋ ءۇشىن سالىق تاپسىرمالارىن جىبەرەدى.
بۇل رەتتە قارىز سوماسىنىڭ 25%-عا دەيىنگى سوت شىعىندارى ۇستالادى.
سالىقتاردى تولەمەۋگە بايلانىستى جاعىمسىز جاعدايلاردى بولدىرماۋ ءۇشىن مەملەكەتتىك كىرىستەر دەپارتامەنتى جاقىن كۇندەرى مۇلىك سالىعىن تولەۋگە شاقىردى.
بارلىق سۇراقتار بويىنشا ءبىرىڭعاي بايلانىس ورتالىعىنا 1414 ءنومىرى بويىنشا حابارلاسۋعا بولادى.