كانديداتتارعا قول جيناۋعا كوبىرەك ۋاقىت بەرىلدى.
ق ر پرەزيدەنتى سايلاۋىنا قاتىساتىن كانديداتتارعا بەرىلەتىن قول جيناۋ پاراعىن بەرۋ ۋاقىتى قىسقاردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىز "سايلاۋ تۋرالى" كونستيتۋسيالىق زاڭنىڭ بىزگە بەرەتىن قۇقىعىن پايدالانۋ جونىندە شەشىم قابىلدادىق. وندا كەزەكتەن تىس پرەزيدەنت سايلاۋى وسى زاڭدا كەزەكتى پرەزيدەنت سايلاۋى ءۇشىن بەلگىلەنگەن قاعيدالارعا سايكەس وتكىزىلەدى دەلىنگەن. سايلاۋدى وتكىزۋ مەرزىمىن ورتالىق سايلاۋ كوميسسياسى ايقىندايدى»، - دەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ.
وسك ءتوراعاسىنىڭ ايتۋىنشا، وڭىرلىك سايلاۋ كوميسسيالارى اتالعان جاڭاشىلدىقپەن جۇمىس ىستەۋى ءتيىس.
«سايلاۋ زاڭناماسى نەگىزىندە پرەزيدەنتتىككە كانديداتتارعا قول قويۋ پاراعىن بەرۋ مەرزىمىن ەكى ەسە قىسقارتتىق. ياعني 5 كۇننەن 2 كۇنگە دەيىن. سونىمەن قاتار ۇمىتكەرلەر جيناعان قولدىڭ دۇرىستىعىن تەكسەرۋ مەرزىمى 10-نان 5 كۇنتىزبەلىك كۇنگە دەيىن قىسقارتىلدى. وسىلايشا مەرزىمدەردى قىسقارتۋ ەسەبىنەن كانديداتتارعا قول جيناۋعا كوبىرەك ۋاقىت بەرىلدى»، - دەيدى ول.