الماتىدا جاڭا پەريناتالدىق ورتالىق سالىنىپ، 4 مەديسينالىق مەكەمە جوندەلەدى
2023 جىلعا ارنالعان دەنساۋلىق ساقتاۋ سالاسىنىڭ بيۋدجەتى 1،2 ملرد تەڭگەگە ۇلعايتىلدى. قاراجات قولدانىستاعى مەديسينالىق مەكەمەلەردى جوندەۋگە جانە جاڭالارىن سالۋعا باعىتتالادى، بۇل تۋرالى ءماسليحاتتىڭ كەزەكتەن تىس XI سەسسياسىندا قارجى باسقارماسىنىڭ باسشىسى قانات سۋحامبەكوۆ مالىمدەدى.
«ۇزاق ۋاقىت ىشىندە العاش رەت 4 دەنساۋلىق ساقتاۋ نىسانى كۇردەلى جوندەۋدەن وتەدى. بۇعان بيۋدجەتتەن 600 ملن تەڭگە ءبولۋ قاجەت»، – دەپ اتاپ ءوتتى قانات سۋحامبەكوۆ.
قازىرگى ۋاقىتتا قاراسۋ ش/ا وتباسىلىق-دارىگەرلىك امبۋلاتوريانىڭ قۇرىلىسى اياقتالۋدا. ول پايدالانۋعا بەرىلسە الاتاۋ اۋدانىندا تۇراتىن 5 مىڭعا جۋىق ادامدى العاشقى مەديسينالىق كومەك كورسەتۋمەن قامتىلاتىن بولادى.
سونىمەن قاتار، دارابوز ش/ا 200 توسەكتىك پەريناتالدى ورتالىق سالۋ جانە بەگالين كوشەسىندەگى «جانۇيا» ارنايى كەشەنىنىڭ عيماراتىنا قوسالقى نىسان سالۋ جوسپارلانعان.