2050 جىلعا قاراي G4 City قالاسىندا 2 ملن اسا ادام تۇرادى.
قونايەۆ پەن الماتى قالالارىنىڭ اراسىندا بوي كوتەرەتىن جاڭا شاھاردىڭ دامۋى قارقىندى. جۇمىس بارىسىن ەلورداداعى ەسەبىندە الماتى وبلىسىنىڭ اكىمى مارات سۇلتانعازييەۆ ءبولىستى، دەپ حابارلايدى اlmaty-akshamy.kz.
اكىمنىڭ ايتۋىنشا، جاڭا قالادا توقىما، بىلعارى، قاعاز بۇيىمدارىن، قۇرىلىس ماتەريالدارىن ءوندىرۋ جانە لوگيستيكالىق جوبالار جۇزەگە اسىرىلادى. جوسپارلى جۇمىسقا 3،7 ترلن تەڭگە كولەمىندە ينۆەستيسيا تارتۋ كوزدەلگەن. ساتىمەن ىسكە اسسا، جەرگىلىكتى جەردەگى 34 مىڭنان استام ادام جۇمىسپەن قامتىلاتىن بولادى.
– G4 City قالاسىنىڭ جوباسى ىلە، تالعار اۋداندارى مەن قونايەۆ قالاسىنىڭ اۋماعىن قامتۋى ينۆەستورلارعا قولايسىزدىق تۋعىزىپ وتىر. سوندىقتان پرەزيدەنتتىڭ تاپسىرماسىنا وراي G4 City قالاسىن جەكە اكىمشىلىك بىرلىك رەتىندە قۇرۋ بويىنشا جۇمىستار جۇرگىزىلىپ جاتىر. ونىڭ اۋماعى 88 مىڭ گەكتاردى قۇرايتىن 4 ايماققا بولىنەدى، – دەدى الماتى وبلىسىنىڭ اكىمى مارات سۇلتانعازييەۆ.
ساياجاي ماسەلەسىن دە اكىم تاياۋدا شەشپەكشى. ءقازىر الماتى وبلىسىنداعى 674-تەن استام ساياجايدىڭ 300-ىنە جىل سوڭىنا دەيىن ەلدىمەكەن ستاتۋسى بەرىلەدى. ايماق باسشىسى «تۇرعىندار قاجەتتى ينفراقۇرىلىمعا قول جەتكىزۋ ءۇشىن ءبىرقاتار الەۋمەتتىك نىساندار بوي كوتەرەدى» دەدى. ەڭ الدىمەن مەكتەپ، بالاباقشا، اۋرۋحانا مەن جول سالىنباق. كوگىلدىر وتىنمەن قامتۋ ءىسى دە كۇن تارتىبىندە تۇر.
– ساياجاي ماسەلەسى كوپ جىلدان بەرى شەشىمىن تاپپاي كەلەدى. سەبەبى، ساياجايلار ماۋسىمدىق سيپاتتاعى ۇيلەر بولعاندىقتان ينفراقۇرىلىم جەتپەگەن. بۇگىندە 674 ساياجاي بار. وندا 188 مىڭ ادام تۇرادى. ساياجايدىڭ ەلدىمەكەن مارتەبەسى بولماعاندىقتان ەشقانداي ينفراقۇرىلىم جوق، – دەدى مارات سۇلتانعازييەۆ.