28 جەلتوقسان كۇنى تالقىلاۋعا الىندى.
قازاقستان پارلامەنتىنىڭ دەپۋتاتتارى ەلباسى تۋرالى زاڭنىڭ كۇشiن جويۋعا قاتىستى قۇجاتتى قارايدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اتالعان زاڭ جوباسى رەسپۋبليكالىق رەفەرەندۋم قورىتىندىلارى بويىنشا ەل كونستيتۋسياسىنا ەنگىزىلگەن وزگەرىستەردى ىسكە اسىرۋ ماقساتىندا ازىرلەندى. اتاپ ايتاتىن بولساق، بيىلعى 8 ماۋسىمداعى زاڭمەن كونستيتۋسياعا ەنگىزىلگەن تۇزەتۋلەرگە سايكەس، قازاقستاننىڭ تۇڭعىش پرەزيدەنتىنىڭ مارتەبەسى مەن وكىلەتتىگى رەسپۋبليكا كونستيتۋسياسىمەن جانە كونستيتۋسيالىق زاڭمەن ايقىندالادى دەگەن نورمانى كوزدەيتىن اتا زاڭنىڭ 46-بابى 4-تارماعى الىنىپ تاستالدى. وسىعان بايلانىستى، بۇل زاڭ جوباسىمەن قۇقىقتىق نەگىزدىڭ جوقتىعىن ەسكەرە وتىرىپ، ءتيىستى كونستيتۋسيالىق زاڭنىڭ كۇشىن جويۋ كوزدەلەدى»، - دەدى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ ءتوراعاسى، دەپۋتات ارمان قوجاحمەتوۆ پالاتانىڭ جالپى وتىرىسىندا.
وسى ورايدا ول ءماجىلىس كوميتەتى زاڭ جوباسىن تالقىلاۋعا الاتىنىن ايتتى.
ەسكە سالساق، جىل باسىندا سەنات مەملەكەتتىك باستامالاردى ەلباسىمەن كەلىسۋ قاجەتتىلىگىن جويۋدى ۇسىندى.
سونىمەن قاتار 2 اقپاندا پارلامەنت ەلباسى تۋرالى زاڭعا تۇزەتۋدى قابىلدادى.
ق ر ادىلەت ءمينيسترى قانات مۋسين "تۇڭعىش پرەزيدەنت تۋرالى" زاڭعا تۇسىنىكتەمە بەردى.