تۇركسىب اۋدانىنىڭ "ماياك" شاعىناۋدانىندا جانە جەلتوقسان ساياباعىندا، سونداي-اق ەسەنتاي وزەنىنىڭ جاعالاۋىندا قالا تۇرعىندارىنىڭ دەمالۋى ءۇشىن جاڭا ورىندار قۇرىلۋدا. قوعامدىق كەڭىستىكتى دامىتۋ تۋرالى الماتى قالاسى ەكولوگيا جانە قورشاعان ورتا باسقارماسى باسشىسىنىڭ ورىنباسارى ۇلان ابدۋلدايەۆ وڭىرلىك كوممۋنيكاسيالار قىزمەتىنىڭ بريفينگىندە مالىمدەدى، دەپ حابارلايدى اlmaty-akshamy.kz.
الماتى قالاسىندا بارلىعى 211 قوعامدىق نىسان (ساياباقتار، جاعالاۋلار جانە ت.ب.)، سونداي-اق 4 تابيعي ايماق («مەدەۋ» ماتپ، «باۋم» توعايى، «ىلە الاتاۋ» مۇتپ – 12 219 گا، بوتانيكالىق ب ا ق) بار.
سپيكەردىڭ ايتۋىنشا، قالا شەكاراسىنىڭ كەڭەيۋىنە، كولىك ينفراقۇرىلىمىنىڭ بەلسەندى دامۋىنا جانە تۇرعىن ءۇي قۇرىلىسىنا، سونداي-اق حالىق سانىنىڭ وسۋىنە بايلانىستى جاڭا قوعامدىق ايماقتاردى ۇيىمداستىرۋعا قاجەتتىلىگى تۋىنداپ وتىر.
قالادا ءبىرىنشى كەزەكتە قالانىڭ تومەنگى بولىگىندە جاڭا قوعامدىق جاسىل ايماقتار قۇرىلۋدا.
بۇل رەتتە جاڭا ساياباقتار مەن الاڭداردى جابدىقتاۋ بويىنشا 10 جوبا ازىرلەنۋدە. جسق ازىرلەۋگە قاراجات بولۋگە ءوتىنىم بەرىلدى.
جالپى اۋدانى 206،6 گەكتاردى قۇرايتىن جاڭا دەمالىس ايماقتارىن قۇرۋ ءۇشىن جسق ازىرلەنۋدە. سايران كولىنىڭ جاعاسىندا جاڭا قوعامدىق ايماق قۇرىلادى، سونداي-اق باۋم توعايى اباتتاندىرىلادى. 2022 جىلدىڭ سوڭىنا دەيىن الماتىدا ءتورت جاڭا ساياباق الاڭى قۇرىلىپ، 4 ساياباق قايتا قالپىنا كەلتىرىلەدى.