الماتىنىڭ حالقى تىعىز ورنالاسقان شاعىن اۋدانىندا كەشەندى جاياۋ جۇرگىنشىلەر ايماعى پايدا بولدى، دەپ حابارلايدى Almaty-akshamy.kz
تۇرعىنداردىڭ تىلەگى بويىنشا الماتىنىڭ ناۋرىزباي اۋدانىنىڭ اكىمشىلىك كەشەنىنىڭ بوس اۋماعىنا «شۇعىلا city»، «Alem city» تك باراتىن جول جانە 90-100 اۆتوكولىك تۇراتىن اۆتوتۇراق سالىندى.
جوبا «حالىق قاتىساتىن بيۋدجەت» باعدارلاماسى اياسىندا ىسكە استى، مۇنداعى جۇرگىنشىلەر ايماعىنىڭ ۇزىندىعى 400 مەتر ءارى اباتتاندىرىلعان، ورىندالعانى:
- اعاشتار وتىرعىزىلدى؛
- اۆتوماتتاندىرىلعان سۋارۋ جۇيەسى ورناتىلعان؛
- شامدار مەن ورىندىقتار قويىلدى.
جاياۋ جۇرگىنشىلەر ايماعىنىڭ ءبىر بولىگى اۋداننىڭ كىشكەنتاي تۇرعىندارىنا ارنالعان. «بالالارعا ارنالعان قالا» دەپ اتالاتىن ويىن الاڭى ورمەلەۋگە ارنالعان ءارتۇرلى ەلەمەنتتەردەن، ۇيلەردەن، تىك سىرعاناقتاردان، لابيرينتتەردەن، توننەلدەردەن، قۇم جاشىكتەرىنەن، باسپالداقتاردان، تورلاردان جانە ت.ب. تۇرادى.
ويىن ايماعىندا بالانىڭ الەۋمەتتىك بەيىمدەلۋىنە جاعىمدى اسەر ەتەتىن ءارى فيزيكالىق جانە اقىل-وي دامۋىنا ىقپال ەتەتىن بالالاردىڭ كوشە ويىندارىنا ارنالعان بارلىق قۇرىلعىلار بار.
ايتا كەتەرلىگى، بۇل شاعىن اۋداندا جالپى سانى 7500 ادامدى قۇرايتىن 40 كوپقاباتتى تۇرعىن كەشەنى بار.
الماتى اكىمى ەربولات دوسايەۆتىڭ تاپسىرماسى بويىنشا 2023 جىلى ناۋرىزباي اۋدانى «حالىق قاتىساتىن بيۋدجەت» باعدارلاماسىن ىسكە اسىرۋعا قوسىمشا 875 ملن تەڭگە الدى. وسىلايشا، اۋداندا 2،7 ملرد تەڭگەدەن استام سوماعا 67 جوبا ىسكە اسىرىلۋدا.
قالا اكىمى قوسىمشا قارجىلاندىرۋ تۋرالى شەشىمدى وسى باعدارلامانىڭ تيىمدىلىگى مەن قالا تۇرعىندارىنىڭ وڭ پىكىرلەرىن ەسكەرە وتىرىپ قابىلدادى.
بۇدان باسقا، 2024 جىلعا «حالىق قاتىساتىن بيۋدجەت» باعدارلاماسىن قارجىلاندىرۋ ۇلعايتىلادى: قالانىڭ 6 اۋدانىنا 2 ملرد تەڭگەدەن جانە الاتاۋ جانە ناۋرىزباي اۋداندارى ءۇشىن 2،5 ملرد تەڭگەدەن ءبولۋ جوسپارلانۋدا. قوسىمشا قاراجات حالىقتىڭ ەڭ وزەكتى جانە سۇرانىسقا يە جوبالارىن ىسكە اسىرۋعا باعىتتالاتىن بولادى.