الماتى وڭىرلىك كوممۋنيكاسيالار قىزمەتىندە وتكەن بريفينگتە قالا اكىمىنىڭ ورىنباسارى مۇحيت ازىربايەۆ مەگاپوليستى سالۋ بويىنشا جاڭا تالاپتار تۋرالى ايتىپ بەردى، دەپ حابارلايدى اlmaty-akshamy.kz
ونىڭ ايتۋىنشا، قۇرىلىستىڭ جاڭا ەرەجەلەرى وتكەن جىلى تاريحي ورتالىقتىڭ ساقتالۋىن ەسكەرە وتىرىپ قابىلداندى. ولارعا مەكتەپتەردى، بالاباقشالاردى جانە باسقا دا ينفراقۇرىلىمدى قادامدىق قولجەتىمدىلىكپەن قامتاماسىز ەتۋ بويىنشا تۇرعىن ءۇي كەشەندەرىن سالۋشىلاردىڭ مىندەتتەمەسى دە ەنگىزىلگەن.
«ابايدان جوعارى ءال-فارابي داڭعىلى مەن جاندوسوۆ كوشەسىنە دەيىنگى، شىعىس اينالما جولىنان ساين كوشەسىنە دەيىنگى ۋچاسكەلەردەگى تۇرعىن ءۇي عيماراتتارىنىڭ بيىكتىگى شەكتەلەدى. سونداي-اق، تاۋ باۋرايلارىندا از قاباتتى تۇك (جك) سالۋعا تىيىم سالىنادى»، - دەدى ول.
تۇرعىن ءۇي عيماراتتارىنىڭ بيىكتىگىن شەكتەۋ سەبەپتەرىنىڭ ىشىندە اكىم ورىنباسارى مىنانى اتاپ ءوتتى:
- قالانىڭ تابيعي جاعدايلارىن دا، ساۋلەتتىك داستۇرلەرىن دە ەسكەرمەيتىن تۇرعىن ءۇي عيماراتتارىنىڭ تيپتەرىن قولدانا وتىرىپ، جاڭا قۇرىلىسقا ءتان كەلبەتتىڭ بولماۋى؛
- بۇرىننان بار ساۋلەت-لاندشافتىق كورىكتى جەرلەردى ساقتاۋ جانە انىقتاۋ قاجەتتىلىگى؛
- جايلى كەڭىستىك قۇرۋ جانە قالىپتاستىرۋ؛
- قالانىڭ تاۋ ەتەگىندەگى تۇرعىن ءۇي قۇرىلىسىنىڭ جوعارى تىعىزدىعى؛
- الەۋمەتتىك جانە كولىك ينفراقۇرىلىمىنىڭ تالاپ ەتىلەتىن دەڭگەيىنىڭ بولماۋى؛
- ءارتۇرلى جاعدايلاردا، ونىڭ ىشىندە قاۋىپسىزدىك بولىگىندە بيىك تۇرعىن ءۇي عيماراتتارىن پايدالانۋعا جانە ولارعا قىزمەت كورسەتۋگە قويىلاتىن نورماتيۆتىك تالاپتاردىڭ بولماۋى.
وسىعان بايلانىستى كورسەتىلگەن اۋداندارداعى عيماراتتار بيىكتىگىنىڭ شەكتى پارامەترلەرىن 5 جانە 9 قاباتتان اسپايتىن ەتىپ سالۋ ۇسىنىلادى.
سونداي-اق، سپيكەر ەسكىرگەن تۇرعىن ۇيلەردى رەنوۆاسيالاۋ باعدارلاماسىن ودان ءارى ىسكە اسىرۋ تۋرالى ايتىپ بەردى.
«مەنشىك يەلەرىنىڭ 100%-ى جەكە ينۆەستوردى تارتۋدى قولدايتىن ۇيلەردى قوسپاعاندا، ەسكىرگەن تۇرعىن ءۇي قورىن بيۋدجەت قاراجاتى ەسەبىنەن رەنوۆاسيالاۋ باعدارلاماسىن ودان ءارى ىسكە اسىرۋ بويىنشا شەشىم قابىلداندى»، - دەپ حابارلادى اكىم ورىنباسارى.
ول قازىرگى ۋاقىتتا قالادا 1930-1975 جىلدارى سالىنعان، پايدالانۋ مەرزىمى وتكەن 1427 ەكى قاباتتى ءۇي بار، وندا 60 000-نان استام قالا تۇرعىنى تۇراتىنىن ناقتىلادى. 6637 پاتەرلى 708 ەسكى ءۇيدى بۇزۋ جانە 34 605 پاتەرلى 683 تۇرعىن ءۇي سالۋ جوسپارلانۋدا.
«ەسكى ۇيلەردىڭ تۇرعىندارى جاڭا تۇرعىن ءۇي قورىنا كوشىرىلەدى، ال بۇزىلاتىن تۇرعىن ءۇي اۋماقتارى قالا مۇقتاجىن قامتاماسىز ەتۋ جانە جايلى ورتانى قالىپتاستىرۋ ءۇشىن پايدالانىلادى»، - دەپ ءتۇسىندىردى ازىربايەۆ.