بۇل تۋرالى الماتى وڭىرلىك كوممۋنيكاسيالار قىزمەتىنىڭ ونلاين-بريفينگىندە قالا اكىمىنىڭ ورىنباسارى مۇحيت ازىربايەۆ مالىمدەدى، دەپ حابارلايدى اlmaty-akshamy.kz
سپيكەر مەگاپوليستە 291 عيمارات، ونىڭ ىشىندە 62 اكىمشىلىك عيماراتى زارداپ شەككەنىن ەسكە سالدى.
«رۇقسات العان ساتتەن باستاپ، 12-16 قاڭتار ارالىعىندا ورتتەن زارداپ شەككەن ءۇي-جايلاردى تازارتۋ جۇرگىزىلدى. قازقسعزي «قازاقستان» تەلەارناسىنىڭ، باس پروكۋراتۋرانىڭ وكىلدىگىنىڭ، الماتى پوليسيا دەپارتامەنتىنىڭ جانە اۋداندىق پوليسيا باسقارمالارىنىڭ عيماراتتارىنداعى تەحنيكالىق تەكسەرۋدى اياقتادى. قالالىق اكىمدىك عيماراتى بويىنشا زەرتتەۋ ناتيجەلەرى 2022 جىلدىڭ 28 قاڭتارىنا كۇتىلۋدە»، - دەدى اكىم ورىنباسارى.
ونىڭ ايتۋىنشا، ىرىلەندىرىلگەن سمەتالىق نورما بويىنشا جالپى سوماسى 28،6 ملرد تەڭگەگە 10 نىساندى قالپىنا كەلتىرۋ جۇمىستارىنىڭ الدىن الا قۇنى ەسەپتەلگەن.
«قازاقستان» تەلەارناسىن جانە قالالىق اكىمدىك عيماراتتارىن كۇردەلى جوندەۋ مەن قايتا جاڭارتۋدى 1 تامىزعا دەيىن اياقتاۋ كوزدەلىپ وتىر. سونداي-اق، جەتى نىساندا، ونىڭ ىشىندە باس پروكۋراتۋرا عيماراتىندا، سونداي-اق پوليسيا دەپارتامەنتىنىڭ توعىز عيماراتىندا اعىمداعى جوندەۋ جۇمىستارى باستالدى. اعىمداعى جوندەۋدىڭ بارلىق نىساندارى بويىنشا جوسپارلى اياقتاۋ مەرزىمى – 1 مامىرعا دەيىن»، - دەپ ناقتىلادى مۇحيت ازىربايەۆ.
سونىمەن قاتار، ونىڭ ايتۋىنشا، بيزنەستىڭ الەۋمەتتىك جاۋاپكەرشىلىگى ەسەبىنەن مەملەكەتتىك ورگانداردىڭ 28 نىسانىندا جوندەۋ جۇمىستارى جۇرگىزىلۋدە: بەس دەنساۋلىق ساقتاۋ نىسانىنىڭ ۇشەۋىندە جۇمىستار اياقتالدى، ءۇش اۋداندىق پوليسيا باسقارماسىندا ولاردى 28 قاڭتارعا دەيىن اياقتاۋ جوسپارلانۋدا، زارداپ شەككەن 20 مودۋلدىك پوليسيا بەكەتتەرىنىڭ بەسەۋى تولىعىمەن ورتەنگەن – ولاردىڭ ورنىنا جاڭالارى ورناتىلادى، تاعى 15ء-ى قالپىنا كەلتىرىلەدى، ولاردىڭ 9-ىندا جۇمىستار اياقتالۋ ساتىسىندا.
«بۇگىندە جۇمىس كوميسسياسى الماتىدا 281 شوب نىسانىن انىقتادى، وندا جوندەۋ قاجەت، ولاردىڭ سەگىزىنە كۇردەلى. زارداپ شەككەن نىسانداردىڭ جالپى سانىنان 184ء-ى بويىنشا تەحنيكالىق تەكسەرۋ باستالدى، 87ء-ى مەملەكەتتىك ساراپتاماعا جولداندى، 24ء-ى راستالدى. قالعان 97 شوب نىسانى ءوز قاراجاتى ەسەبىنەن قالپىنا كەلتىرىلىپ، 13 نىساندا جوندەۋ-قالپىنا كەلتىرۋ جۇمىستارى اياقتالدى»، - دەدى قالا اكىمىنىڭ ورىنباسارى.
سپيكەردىڭ ايتۋىنشا، تارتىپسىزدىك كەزىندە 11 تۇرعىن ءۇي زارداپ شەككەن. ولاردى قالپىنا كەلتىرۋدى وسى اپتادا باستاۋ جوسپارلانۋدا، 51 پاتەردىڭ تەرەزەلەرى قايتا سالىنۋدا.