الماتىدا ۇزىندىعى جارتى شاقىرىمعا جۋىق جاڭا دەمالىس ايماعى اشىلدى، دەپ حابارلايدى almaty-akshamy.kz
قالا اكىمىنىڭ تاپسىرماسى مەن تۇرعىنداردىڭ وتىنىشتەرى بويىنشا 2022-2023 جىلعى جوندەۋ اياسىندا الاتاۋ اۋدانى اقبۇلاق شاعىناۋدانى، احانوۆ كوشەسى بويىنشا ۇزىندىعى 450 مەتر بولاتىن، ءبىر مەزگىلدە 700 ادامدى قابىلدايتىن دەمالىس ايماعىن اباتتاندىرۋ جۇرگىزىلدى.
6000 شارشى مەتردەن استام اۋماقتا سەرۋەندەۋ جولدارى توسەلىپ، ورىندىقتار مەن ۋرنالار، كوشە جارىعى، پەرگالا ورناتىلدى. بۇقارالىق سپورتتى دامىتۋ ءۇشىن بارلىعى بار - فۋتبول، باسكەتبول الاڭدارى، ۇستەل تەننيسىنە ارنالعان ەكى ۇستەل، سونداي-اق كەمە ءتارىزدى بالالار ويىن الاڭى.
قۇرىلىسشىلار مەملەكەتتىك تۋعا ارنالعان تۋ باعاناسىن دا ورناتتى.
جاڭا دەمالىس ايماعى بىردەن كوگالداندىرىلدى: جۇمىسشىلار قىلقان جاپىراقتى اعاشتاردى وتىرعىزىپ، 500 شارشى مەتردەن استام جەر كوگالداندى.