بۇگىن – ۇلت ۇستازى احمەت بايتۇرسىن ۇلىنىڭ تۋعان كۇنى

وسىدان 151 جىل بۇرىن ۇلت ۇستازى احمەت بايتۇرسىن ۇلى دۇنيەگە كەلگەن.

ءحىح-حح عاسىردا قازاق حالقى ءۇشىن قانداي اۋىر بولعانىن ءتۇسىنۋ ءۇشىن بايتۇرسىن اۋلەتىنىڭ ارعى-بەرگى تاريحىنا كوز سالسا جەتىپ جاتىر.

اكەسى مەن اعالارىنىڭ ناقاق قۋدالانۋى جۇرەگىنە شوق بوپ تۇسكەن الاش ارىسى 1937 جىلى اتىلعانعا دەيىن ۇلت ۇپايىن تۇگەندەپ ءوتتى.

بۇعان ونىڭ بۇگىنگە سەنزۋرا مەن پلاگياتتان اۋپىرىممەن امان جەتكەن عىلىمي ەڭبەكتەرى مەن ءالى كۇنگە دەيىن تابىلماي كەلە جاتقان قۇندى دۇنيەلەرىنىڭ داڭق-داقپىرتى دالەل.

ول قازاق پۋبليسيستيكاسى مەن عىلىمي ءتىلىن جاساندى، قاساڭ سيپاتتان ارىلتىپ، حالىق تىلىنە جاقىنداتۋ ءۇشىن ءتول تەرمينولوگيانىڭ نەگىزىن قالادى.

اقىن، لينگۆيست، ادەبيەتشى، تۇركىتانۋشى، پۋبليسيست، پەداگوگ، اۋدارماشى، مەملەكەت قايراتكەرى، قازاق ءتىل ءبىلىمى مەن ادەبيەتتانۋ عىلىمدارىنىڭ نەگىزىن سالۋشى، ۇلتتىق جازۋدىڭ رەفورماتورى، اراب گرافيكاسىنىڭ نەگىزىندە قازاقتىڭ ءتول ءالىپبيىن ءتۇزىپ، توتە جازۋدىڭ كومەگىمەن «قازاق» گازەتىن ۇيىمداستىردى، ۇلتتىق جۋرناليستيكانى دامىتتى.

الاشوردا ۇكىمەتىنىڭ بەلدى مۇشەسى بولعان. 2017 جىلى ۇكىمەت قاۋلىسىمەن قازاقستان حالقى تىلدەرىنىڭ كۇنى 22 قىركۇيەكتەن احمەت بايتۇرسىن ۇلىنىڭ تۋعان كۇنىنە اۋىستىرىلدى.