الماتىداعى ءال-فارابي مەن نازاربايەۆ كوشەلەرىنىڭ قيىلىسىنداعى «سانسەت» مەيرامحاناسىندا تۇنگى ساعات 00:30 شاماسىندا اتىس بولدى. كۋاگەرلەردىڭ ايتۋىنشا، بەتپەردە كيگەن 4 ادام كەلىپ، ماكاروۆ تاپانشاسىنان وق جاۋدىرعان. اتىستان ءبىر ادام اسقازانىنان، ەكىنشىسى اياعىنان جارالانعان، دەپ حابارلايدى Almaty-akshamy.kz.
پوليسەيلەر بۇل دەرەكتى الماتى قالاسى بوستاندىق اۋدانىنىڭ پوليسيا ءبولىمى تىركەپ، تەرگەۋ جۇرگىزىپ جاتقانىن مالىمدەدى.
«قىلمىس ورنىنا قالالىق پوليسيا دەپارتامەنتىنىڭ باستىعى ارىستانعاني زاپپاروۆ باستاعان جەدەل-تەرگەۋ توبى باردى.
قازىرگى تاڭدا اتالعان قىلمىستى اشۋعا باعىتتالعان كەشەندى جەدەل ءىس-شارالار جۇرگىزىلىپ جاتىر»، - دەپ جازدى ىىم-نەن.
ونداعى اقپاراتقا قاراعاندا، كۇدىكتىلەردىڭ ءبىرى قاماۋعا الىندى. قالعان قاتىسۋشىلار انىقتالىپ، ءتيىستى جاۋاپكەرشىلىككە تارتىلاتىن بولادى.