«بىلگامەش» الماناحىنىڭ نەگىزگى ميسسياسى - مادەنيەتتەردى جاقىنداستىرۋ.
يۋنەسكو-نىڭ قولداۋىمەن حالىقارالىق مادەنيەتتى جاقىنداستىرۋ ورتالىعى «بىلگامەش» مادەنيەتتانۋ جانە الەۋمەتتىك زەرتتەۋلەر الماناحىنىڭ ون ءنومىرىنىڭ شىعۋىنا ارنالعان كەش ۇيىمداستىردى، دەپ حابارلايدى Almaty-akshamy.kz ءتىلشىسى.
ءىس-شارا مادەنيەتتەردى جاقىنداستىرۋدىڭ حالىقارالىق ونجىلدىعى (2013-2022 جج.) جانە يۋنەسكو-نىڭ ءبىلىم قوعامدارىن قۇرۋ جونىندەگى يدەيالارىن پراكتيكالىق ىسكە اسىرۋ شەڭبەرىندە وتكىزىلدى.
«مادەنيەتتەردى جاقىنداستىرۋ ورتالىعىنىڭ كىتاپحاناسىن» قۇرۋ جانە «بىلگامەش» مادەني جانە الەۋمەتتىك زەرتتەۋلەردىڭ عىلىمي-تانىمال الماناحىن شىعارۋ يدەياسى 2019 جىلى پايدا بولدى. الماناح بەتتەرىندە ءتورت جىلدان بەرى قازاقستاندىق جانە شەتەلدىك عالىمدار مادەنيەتتەردىڭ ءوزارا ءىس-قيمىلى مەن جاقىنداسۋى ماسەلەلەرىن قوزعايتىن ماقالالار، ەسسەلەر مەن عىلىمي-تانىمال جۇمىستار جاريالاپ كەلەدى.
ۇيىمداستىرۋشىلاردىڭ پىكىرىنشە «بىلگامەشتى» شىعارا وتىرىپ، ونىڭ بەتتەرىندە كوپتەگەن جىلدار بويى باسپاسوزدە جانە عىلىمدا ايتىلىپ كەلە جاتقان وزەكتى ماسەلەلەردى كوتەرۋدى باستى نازارعا العان. سونداي-اق، عالىمداردى ديالوگقا شاقىرۋ ماقساتىن باسشىلىققا العان. بۇگىنگىدەي قوعامدا كىتاپ مادەني قۇبىلىس رەتىندە جاقسى جاعىنان تانىلۋ كەرەكتىگىدە ايتىلدى.
«الەمدىك قوعامداستىقتىڭ تولىققاندى مۇشەسى بولا وتىرىپ، دۇنيەجۇزىلىك تاريح اعىنىندا قالۋ - ءبىزدىڭ ماقساتىمىز. ەلىمىز جاھاندانۋدىڭ جەمىستەرىن جەپ، ۇلتتىق مادەنيەتتى تانىتۋ قاجەت. ءبىزدىڭ ويىمىزشا، حالىقتاردىڭ مادەني ارتۇرلىلىگىن ساقتاي وتىرىپ، ورتاق قۇندىلىقتاردى نىعايتۋ - ماڭىزدى ماسەلەردىڭ ءبىرى. پلانەتارلىق سانا ۇلتتىق ساناعا قاراما-قايشى ەمەس، ول ونىڭ دامۋىنىڭ ەڭ جوعارعى فورماسى»، – دەيدى اقىن، ءتىلتانۋشى، ساياساتكەر ولجاس سۇلەيمەنوۆ.
«بىلگامەش» الماناحىنىڭ نەگىزگى ميسسياسى - مادەنيەتتەردى جاقىنداستىرۋ. قازاقستان بۇل يدەيانى مادەنيەتتەردىڭ نەلىكتەن الشاقتاپ بارا جاتقانىن زەرتتەۋ جانە ءتۇسىنۋ ءۇشىن ۇسىندى. وسى جوبا ارقىلى جاستارىمىز ەجەلگى ءداۋىردىڭ جازۋلارىن، تىلدەر مەن دىندەردىڭ شىعۋ تەگىن تۇسىندىرۋگە سەپتىگىن تيگىزەدى. سونداي-اق، گۋمانيتارلىق ءبىلىمنىڭ وركەندەۋىن وزىندىك كومەك كومەكتەسەدى.