ەريەۆان قالاسىنان اكەلىندى.
الماتى زووباعى اق كەۋدەلى تۋكانداردىڭ جۇبىمەن تولىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى زووباعىنا اكەلىنگەن اق كەۋدەلى تۋكانداردىڭ ۆيدەوسى زووباقتىڭ Instagram پاراقشاسىندا جاريالاندى.
«ولار ارمەنيانىڭ استاناسى - ەريەۆان قالاسىنان اكەلىندى. ولار ءالى كىشكەنتاي، ەكى جاستا. ءقازىر ولار اكۆاريۋم جانىنداعى قۇستار ۇيىندە تۇرادى. توقىلداق تارىزدىلەر كلاسىنا جاتاتىن، تۇمسىعى مۇيىزگە ۇقساس بۇل قۇستاردىڭ وتانى – وڭتۇستىك امەريكا ورماندارى»، - دەپ حابارلادى زووباق وكىلدەرى.
سونداي-اق زووباقتا تۋكانداردىڭ ۆولەرگە تەز ۇيرەنىپ، وزدەرىن كۇتۋشى كيپەرلەرمەن دوستاسىپ، كوپشىلىكتىڭ سۇيىكتى قۇسىنا اينالعانىن حابارلادى.
ولار بانان، اپەلسين سياقتى جەمىستەرمەن قاتار، تىشقان، قۇس جۇمىرتقالارىمەن قورەكتەنەدى. تۋكاندار 20 جىل ءومىر سۇرەدى. اق كەۋدەلى تۋكان حالىقارالىق تابيعات قورعاۋ وداعىنىڭ قىزىل كىتابىنا ەنگىزىلگەن.