*جالپىعا بىردەي دەكلاراسيالاۋ: قولما - قول اقشانى دەكلاراسيالاۋدىڭ شەكتى سوماسى - 10000 اەك *
ق ر جانە ودان تىس جەرلەردە قولما-قول اقشانىڭ بولۋى تۋرالى اقپارات 10 000 اەك شەگىنەن اسپايتىن مولشەردە كورسەتىلەدى، ياعني 34،5 ملن.تەڭگە. بۇل تۋرالى وكق-دە وتكەن بريفينگتە الماتى قالاسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى زاڭعار شىندالي باياندادى، دەپ حابارلايدى اlmaty-akshamy.kz.
“جەكە تۇلعالاردىڭ قولما-قول اقشانى ساقتاۋ ءراسىمى نەمەسە ءتاسىلى رەتتەلمەگەن. ەگەر جەكە تۇلعادا قولما-قول اقشا سوماسى 10 000 اەك-تەن اسقان جاعدايدا، 250.00-نىساندا ول ەڭ كوپ دەگەندە 10 000 اەك كورسەتەدى، ال قالعان قاراجات دەكلاراسياعا ەنگىزىلمەيدى. جەكە تۇلعا ولاردى ءوز قالاۋى بويىنشا بانكتە نەمەسە ۇيدە نەمەسە كەز كەلگەن باسقا جەردە ساقتاۋعا قۇقىلى. ءبىراق 34،5 ميلليون تەڭگەدەن استام قولما-قول اقشانى دەكلاراسيالاۋ ماقساتىندا ولاردى بانكتەگى ەسەپ ايىرىسۋ شوتىنا سالۋعا بولادى. ەگەر ءسىز كەلەسى جىلدارى ءىرى اكتيۆتەردى (ءۇي، قىمبات كولىك) ساتىپ الۋدى جوسپارلاساڭىز، بۇل سىزگە شىعىنداردىڭ دالەلى بولادى”، - دەدى ول.
جالپىعا بىردەي دەكلاراسيالاۋ ەرەجەلەرىن ءتۇسىندىرۋ ءۇشىن 1414 ءبىرىڭعاي رەسپۋبليكالىق ءنومىرى جۇمىس ىستەيدى.
بۇدان باسقا، جالپىعا بىردەي دەكلاراسيالاۋعا قاتىستى تولىق اقپاراتتى ق ر قارجى مينيسترلىگى مەملەكەتتىك كىرىستەر كوميتەتىنىڭ رەسمي سايتىنان “جالپىعا بىردەي دەكلاراسيالاۋ” بولىمىنەن الۋعا بولادى (kgd.gov.kz).
سونداي-اق، الەۋمەتتىك جەلىلەردەگى “ق ر جالپىعا بىردەي دەكلاراسيالاۋ” Telegram كانالىندا، “UNIVERSAL_DECLARATION_KZ” Instagram پاراقشاسىندا، “ق ر جالپىعا بىردەي دەكلاراسيالاۋ” Facebook پاراقشاسىندا تۇسىندىرىلەدى.