ادىلەت مينيسترلىگىنىڭ الماتى قالاسى بويىنشا دەپارتامەنتى 2024 جىلدىڭ 28 تامىزىندا «HUGO BOSS» تاۋار بەلگىسىن زاڭسىز پايدالانعان كونترافاكتىلىك ونىمدەردى انىقتادى، دەپ حابارلايدى aqshamnews.kz
«HUGO BOSS AG» كومپانياسىنىڭ وكىلىنىڭ شاعىمى نەگىزىندە الماتى قالاسىنىڭ كوتەرمە ساۋدا بازارلارىنىڭ بىرىندە ەرلەر كيىمىن كوتەرمە ساتۋمەن اينالىساتىن جەكە كاسىپكەرگە جوسپاردان تىس تەكسەرۋ جۇرگىزىلدى. تەكسەرۋ بارىسىندا «HUGO BOSS» تاۋار بەلگىسىن زاڭسىز پايدالانۋ فاكتىسى انىقتالدى.
ۇيلەستىرىلگەن ءىس-قيمىلدار ناتيجەسىندە 1،5 ميلليون تەڭگەدەن استام سوماعا 1 600 بىرلىك جالعان تاۋار تاركىلەندى. كاسىپكەر بۇل جالعان تاۋارلاردى قازاقستاننىڭ بارلىق وڭىرلەرىنە ساتقان. سونىمەن قاتار، تاۋاردىڭ ساتىپ الۋ قۇنى ناقتى سومادان 300%-عا اسىپ كەتكەنى انىقتالدى.
قازىرگى ۋاقىتتا كاسىپكەر ق ر اقبتك-نىڭ 158-بابى بويىنشا اكىمشىلىك جاۋاپكەرشىلىككە تارتىلۋدا. وسى باپتىڭ سانكسياسى تاۋارلاردى تاركىلەي وتىرىپ، 80 ايلىق ەسەپتىك كورسەتكىشكە دەيىن ايىپپۇل سالۋدى كوزدەيدى.
ادىلەت ورگاندارى زياتكەرلىك مەنشىك سالاسىنداعى جۇمىسىن جالعاستىرۋدا.