المالى اۋداندىق پوليسيا باسقارماسىنىڭ مالىمەتىنشە، تەرگەۋدىڭ قازىرگى كەزەڭىندە 31 جاستاعى الماتى تۇرعىنى 9 ازاماتتى الداپ كەتكەن.
ولاردىڭ سانى ودان دا كوپ بولۋى مۇمكىن، دەپ حابارلايدى aqshamnews.kz قالالىق پوليسيا دەپارتامەنتىنە سىلتەمە جاساپ.
«جابىرلەنۋشىلەردىڭ سوزىنەن بەلگىلى بولعانداي، ەر ادام قىتايدان اۆتوكولىكتەر مەن موپەدتەر اكەلەمىن دەپ ۋادە بەرىپ، تاپسىرىستىڭ اقىسىن الىپ، ءوز مىندەتتەمەلەرىن ورىنداماعان. قازىرگى ۋاقىتتا وبەكتيۆتى جاعدايلار انىقتالۋدا. سونىمەن قاتار، كۇدىكتىنىڭ قىلمىستىق ارەكەتىنەن زارداپ شەگۋى مۇمكىن باسقا دا ازاماتتاردى انىقتاۋ جۇمىستارى جۇرگىزىلۋدە»، - دەيدى، المالى اۋداندىق پوليسيا باسقارماسىنىڭ باستىعى، پوليسيا پودپولكوۆنيگى ولجاس ءشارىپوۆ.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.