36 جاستاعى س.ەسىمدى ازامات پەن 31 جاستاعى ك.ەسىمدى ازامات ءوزىن ىشكى ىستەر ورگاندارىنىڭ قىزمەتكەرلەرىمىز دەپ تانىستىرعان.
ولاردىڭ بىرەۋى، بەلگىلى بولعانداي، بۇرىن مۇلىكتىك قىلمىس جاساعانى ءۇشىن سوتتى بولعان، دەپ حابارلايدى Almaty-akshamy.kz
«ولاردى ءبىزدىڭ بولىمشە قىزمەتكەرلەرى بوستاندىق اۋداندىق پب-داعى ارىپتەستەرىنىڭ كومەگىمەن اشكەرەلەدى. قاسكويلەر وزدەرىن پوليسيا قىزمەتكەرى رەتىندە تانىستىرىپ، جاۋاپقا تارتامىز دەپ قورقىتىپ، ماسساج قىزمەتىن كورسەتەتىن سالوننان بىرنەشە رەت اقشا العاندىعى انىقتالدى. كۇدىكتىلەر ءوز كىناسىن مويىندادى. ولاردىڭ ارەكەتتەرى ق ر قك-نىڭ 190-بابى 2-بولىگىمەن كۆاليفيكاسيالانعان. ق ر قىجك-نىڭ 128-بابىنا سايكەس كۇدىكتىلەر ۋاقىتشا ۇستاۋ يزولياتورىنا قامالدى. قازىرگى ۋاقىتتا ءىس بويىنشا تەرگەۋدىڭ تولىقتىعى مەن وبەكتيۆتىلىگىن قامتاماسىز ەتۋگە باعىتتالعان تەرگەۋ شارالارى جۇرگىزىلىپ جاتىر»، – دەدى الماتى قالالىق پد وزىندىك قاۋىپسىزدىك باسقارماسىنىڭ باستىعى ەرىك جۇماباي.
سونىمەن قاتار ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.