كولىكتى ماس كۇيىندە باسقارعان ازاماتتاردى جاۋاپكەرشىلىككە تارتۋ بويىنشا ماقساتتى جۇمىستار جالعاسۋدا
الماتىدا «قورعاۋ – ءقاۋىپتى جۇرگىزۋشى» جاڭا جۇيەسىنىڭ العاشقى قورىتىندىسى شىعارىلدى، دەپ حابارلايدى Almaty-akshamy.kz الماتى قالالىق پوليسيا دەپارتامەنتىنە سىلتەمە جاساپ.
الماتى قالاسى اكىمشىلىك پوليسياسىنىڭ مالىمەتىنشە، «قورعاۋ – ءقاۋىپتى جۇرگىزۋشى» بازاسىنا جالعان مەملەكەتتىك نومىرلەرى جانە ساقتاندىرۋ ءپوليسى جوق شەتەلدە تىركەلگەن متنب بار كولىكتەر تۋرالى مالىمەتتەردى ەنگىزۋ بويىنشا كۇندەلىكتى جۇمىستار جۇرگىزىلۋدە.
«بۇگىنگى تاڭدا اقپاراتتىق بازاعا جالعان نومىرلەرى بار 766 كولىك، سونداي-اق، ساقتاندىرۋ ءپوليسى جوق 549 شەتەلدىك ءنومىرى بار كولىك قۇرالدارى ەنگىزىلدى. سونىمەن قاتار، ماقساتتى ءىس-شارالاردى وتكىزۋ كەزەڭىندە الدىڭعى شەپتەگى بولىمشەلەردىڭ قىزمەتكەرلەرى 91 كولىكتى ۇستاعانىن، كەيىننەن ولار ايىپپۇل تۇراعىنا ورنالاستىرىلعانىن حابارلايمىز. سونداي-اق، ءارتۇرلى جول قوزعالىسى ەرەجەلەرىن بۇزعان 12 مىڭ 994 اكىمشىلىك قۇقىق بۇزۋشىلىق انىقتالدى»، - دەدى، الماتى قالالىق پد اكىمشىلىك پوليسيا باسقارماسىنىڭ باستىعى پوليسيا پولكوۆنيگى نۇرلان امانبەك.
بولىمشەنىڭ حابارلاۋىنشا، قالادا جالعان مەملەكەتتىك نومىرلەردى پايدالاناتىن، كولىك قۇرالدارىنا ارنايى بەلگى بەرۋ قۇرىلعىلارىن ورناتقان كولىك جۇرگىزۋشىلەرىن، سونداي-اق، كولىكتى ماس كۇيىندە باسقارعان ازاماتتاردى جاۋاپكەرشىلىككە تارتۋ بويىنشا ماقساتتى جۇمىستار جالعاسۋدا.