يراندا كوپقاباتتى عيمارات كۇل-تالقان بولدى

قيراندى استىندا قالىپ كەتكەن ادام كوپ

يراننىڭ ابادان قالاسىندا 10 قاباتتى عيمارات وپىرىلىپ قۇلادى. قيراندىنىڭ استىندا شامامەن 80 ادام بولۋى مۇمكىن، دەپ حابارلايدى Almaty-akshamy.kz Zakon.kz-كە سىلتەمە جاساپ.

قۇتقارۋشىلاردىڭ سوڭعى مالىمەتتەرى بويىنشا، وقىس وقيعا سالدارىنان بەس ادام قازا تاپتى، تاعى 27 ادام جاراقات الدى.

سونداي-اق، پروۆينسيا گۋبەرناتورى باسقارماسى تاوارتقان مالىمەتكە سۇيەنسەك، اتالعان اپاتتى جاعدايدان قازا تاپقاندار مەن زارداپ شەككەندەر بۇدان دا كوپ بولۋى مۇمكىن، ويتكەنى قۇلاعان عيمارات قالاداعى تىعىز ورنالاسقان كوپقاباتتى تۇرعىن-ۇيلەر اراسىندا بولعان.

"قۇتقارۋ وپەراسياسى كورشى عيماراتتىڭ دا ارەڭ تۇرعاندىعىنا بايلانىستى قيىنعا سوعۋدا، ول دا قۇلاپ كەتۋى مۇمكىن"، – دەدى قىزىل جارتى ايدىڭ جەرگىلىكتى قوعامى.

قازىرگى ۋاقىتتا وقيعا ورنىندا بىرنەشە قۇتقارۋ جانە ءورت ءسوندىرۋ بولىمشەلەرى، سونداي-اق دارىگەرلەر جۇمىس ىستەپ جاتىر.
بيلىك ىزدەستىرۋ جۇمىستارىنا تاعى 50-گە جۋىق قۇتقارۋشىلار توبىن، سونداي-اق زارداپ شەككەندەردى اۋرۋحاناعا ەۆاكۋاسيالاۋ ءۇشىن تىكۇشاقتى دا جۇمىلدىردى.