اباي، جەتىسۋ، ۇلىتاۋ وبلىستارىندا ارداگەرلەر كەڭەسى قۇرىلادى
جاڭادان قۇرىلعان اباي، جەتىسۋ، ۇلىتاۋ وبلىستارىندا ارداگەرلەر كەڭەسى قۇرىلادى. بۇل تۋرالى الماتىدا وتكەن قالالىق ارداگەرلەر كەڭەسىنىڭ كەزەكتەن تىس ءىح سەزىندە بەلگىلى بولدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
سونداي-اق قوعامدىق بىرلەستىكتىڭ مۇشەلەرى 5 ماۋسىمدا وتەتىن جالپىحالىقتىق رەفەرەندۋمنىڭ ءمان-ماڭىزىن تالقىلادى. ءار وڭىردەن ونلاين قوسىلعان ارداگەرلەر پرەزيدەنتتىڭ بۇل ۇسىنىسىن ءبىراۋىزدان قولدايدى.
«ارنايى وسى ماسەلە جونىندە ءبىرتالاي ۇسىنىستار بولدى. رەفەرەندۋم ۇيىمشىل جاقسى وتەدى. ال 230 مىڭداي ارداگەرلەر كەڭەسى مۇشەسى ءبىراۋىزدان قولدايدى دەپ سەنىم بىلدىرەمىز»، – دەدى قالالىق ارداگەرلەر كەڭەسىنىڭ ءتوراعاسى اقان بيجانوۆ.
«ەلىمىزدەگى ساياسي وزگەرىستەردى تالقىلاپ قۇپتادىق. ەندى ەلىمىزدە دە، مەملەكەتەمىزدە دە تىنىشتىق، اۋىزبىرشىلىك بولسىن حالىقتىڭ اراسىندا»، – دەدى قالالىق ارداگەرلەر كەڭەسىنىڭ مۇشەسى، مەملەكەت جانە قوعام قايراتكەرى ءسات توقپاقبايەۆ.