الماتىدا جاياۋ جۇرگىنشىلەر وتكەلىنەن ءوتىپ بارا جاتقان ءجاسوسپىرىم قىزدى كولىك قاعىپ كەتتى، دەپ حابارلايدى Aqshamnews.kz ءتىلشىسى.
جول-كولىك وقيعاسى 24 جەلتوقسان كۇنى كەشكى ۋاقىتتا اباي داڭعىلىندا بولعان. پوليسيانىڭ الدىن الا مالىمەتىنشە، Chevrolet ماركالى اۆتوكولىكتىڭ جۇرگىزۋشىسى التىنسارين كوشەسى بويىمەن قوزعالىپ كەلە جاتىپ، 2008 جىلى تۋعان قىز بالانى سوققان.
وقيعا كەزىندە ءجاسوسپىرىم جاياۋ جۇرگىنشىلەر وتكەلىنەن ءوتىپ بارا جاتقان. العان جاراقاتتارىنا بايلانىستى بويجەتكەن شۇعىل تۇردە اۋرۋحاناعا جەتكىزىلدى.